قىتايدا مونوپوليا زاڭىن بۇزعان ءىرى IT كومپانيالارعا ايىپپۇل سالىندى
ولار مونوپولياعا قارسى زاڭنامانى بۇزعان. بۇل تۋرالى سەنبى كۇنى ق ح ر نارىقتى رەتتەۋ جونىندەگى مەملەكەتتىك باسقارماسى ءمالىم ەتتى، دەپ حابارلايدى قازاقپاراتتىڭ مەنشىكتى ءتىلىشىسى.
Alibaba، Tencent، Baidu جانە ت. ب. سياقتى قىتايدىڭ ءىرى IT كومپانيالارى مونوپولياعا قارسى زاڭنامانى بۇزعان.
ولار 500 مىڭ يۋان (شامامەن 78 مىڭ دوللار) كولەمىندە ايىپپۇل تولەۋى ءتيىس. ق ح ر نارىقتى رەتتەۋ جونىندەگى مەملەكەتتىك باسقارماسىنىڭ مالىمدەمەسىندە اتالعان ىستەردىڭ قارالۋى «نارىق قاتىسۋشىلارى اراسىنداعى ءادىل باسەكەلەستىكتى قامتاماسىز ەتەدى، ونى ءارى قاراي جەتىلدىرە تۇسەدى، سونىمەن قاتار كاسىپورىندار مەن سالالاردىڭ تۇراقتى جانە ءادىل دامۋىنا ىقپالداسادى» دەلىنگەن.
ەسكە سالا كەتەيىك، 18- قاراشا كۇنى بەيجىڭدە ق ح ر مەملەكەتتىك مونوپولياعا قارسى باسقارماسىنىڭ قۇرىلىپ، جۇمىسىن باستاعانى تۋرالى حابارلاندى.
