«حەزبوللا» يزرايلگە شابۋىل جاساماق بولدى - نەتانياحۋ

بۇل تۋرالى Kazinform-نىڭ مەنشىكتى ءتىلشىسى.

يزرايل باسشىسى فرانسيانىڭ CNews جانە Europe 1 تەلەارنالارىنا بەرگەن سۇحباتىندا اتالعان شابۋىل ءساتتى ىسكە اسقاندا حاماس- تىڭ بىلتىرعى شابۋىلىنان دا جويقىن بولار ەدى دەگەن بولجامىن جەتكىزدى.

«شەكارادان 100-200 مەتر جەردە يزرايلگە باسىپ باسىپ كىرۋ ءۇشىن دايىندالىپ جاتقان تۋننەلدەردى تاپتىق. بۇل 7 -قازانداعىدان دا اۋقىمدى شابۋىل بولار ەدى»، - دەدى نەتانياحۋ.

ايتا كەتەيىك، بۇگىن يزرايل سيريا استاناسى داماسك پەن سول ەلدىڭ باتىسىنداعى حومس قالاسى ماڭىنداعى اسكەري نىساندارعا سوققى جاسادى.

داماسكىنىڭ ورتالىق اۋدانى كافر-سۋساعا جەرگىلىكتى ۋاقىتپەن تاڭعى 3:40-تا سوققى جاسالدى. تاعى ءبىر سوققى حومس پروۆينتسياسىنداعى اسكەري نىسانعا جاسالعان.

سيريا قورعانىس مينيسترلىگىنىڭ مالىمەتىنشە، اۋە شابۋىلىنان ءبىر سارباز قازا تاۋىپ، جەتەۋى جارالانعان. سونىمەن قاتار ءتۇرلى ماتەريالدىق شىعىن دا كەلگەن.

اۆتور

ەسىمجان ناقتىباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى