Hyundai كاسىپوداق ۇيىمى وڭتۇستىك كورەيا پرەزيدەنتىنىڭ وتستاۆكاعا كەتۋىن تالاپ ەتپەك
استانا. KAZINFORM - وڭتۇستىك كورەيانىڭ Hyundai Motor اۆتوكونسەرنىنىڭ كاسىپوداق ۇيىمى وڭتۇستىك كورەيانىڭ دەموكراتيالىق كاسىپوداقتار ۇلتتىق فەدەراتسياسىنىڭ ەل پرەزيدەنتى يۋن سوك ەلدىڭ وتستاۆكاعا كەتۋىنە بايلانىستى ەرەۋىلىنە قوسىلماق. بۇل تۋرالى كاسىپوداق وكىلىنە سىلتەمە جاساپ Yonhap اگەنتتىگى حابارلادى، دەپ جازادى Report.
- 43 مىڭ ادامنان تۇراتىن Hyundai كاسىپوداعى بەيسەنبى جانە جۇما كۇندەرى ءتورت ساعاتتىق ەرەۋىل وتكىزەدى، - دەلىنگەن حاباردا.
ايتا كەتەيىك، سارسەنبى كۇنى YTN تەلەارناسى دەموكراتيالىق كاسىپوداقتاردىڭ ۇلتتىق فەدەراتسياسى ەل پرەزيدەنتى وتستاۆكاعا كەتكەنشە مەرزىمسىز جالپى ەرەۋىل جاريالاعانىن حابارلاعان.
بۇعان دەيىن قازاقستان مەن وڭتۇستىك كورەيا قورعانىس مينيسترلەرىنىڭ كەلىسسوزى وتپەيتىنىن حابارلاعان ەدىك.
سونىمەن قاتار وڭتۇستىك كورەيانىڭ قورعانىس ءمينيسترى وتستاۆكاعا كەتتى.
