حۋسيتتەر ەۋروپا مەن ازيانى بايلانىستىراتىن سۋاستى ينتەرنەت سىمدارىن زاقىمدادى

AAE-1, Seacom, EIG جانە TGN كابەلدەرىنىڭ زاقىمدانۋى ەۋروپا مەن ازيا اراسىنداعى ينتەرنەت بايلانىسىن ءۇزدى، ءبىراق نەگىزگى شىعىنعا پارسى شىعاناعى ەلدەرى مەن ءۇندىستان ۇشىرادى.

ساراپشىلاردىڭ باعالاۋىنشا، زاقىمدى قالپىنا كەلتىرۋگە سەگىز اپتا ۋاقىت كەتۋى مۇمكىن. ازيا، افريكا جانە ەۋروپانى بايلانىستىراتىن باسقا كابەلدەر ءبىر اۋماق ارقىلى ءوتىپ، زاقىمدانباعاندىقتان، كوپتەگەن ساراپشىلار زاقىمدانۋدى ماڭىزدى دەپ سانامايدى.

ەسكە سالا كەتسەك، قاڭتار ايىندا ا ق ش پەن ۇلى بريتانيانىڭ ۇشاقتارى مەن اسكەري كەمەلەرى يراننىڭ قولداۋىمەن قىزىل تەڭىزدەگى ساۋدا كەمەلەرىنە شابۋىل جاساعان يەمەندەگى كوتەرىلىسشى حۋسيتتەر توبىنا سوققى بەرە باستادى.

19-اقپاندا ەۋروپالىق وداق قىزىل تەڭىزدەگى كەمەلەردى قورعاۋ ءۇشىن قىزىل تەڭىزدە Aspides وپەراتسياسىن باستادى.

حۋسيتتەردىڭ كىم ەكەنى جانە ولار يزرايلگە بەت العان كەمەلەرگە نەلىكتەن شابۋىل جاسايتىنى تۋرالى بۇعان دەيىن جازعان بولاتىنبىز.

اۆتور

زارينا تۋعانبايەۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى