حۋسيتتەر ادەن شىعاناعىندا امەريكالىق كەمەگە زىمىرانمەن شابۋىل جاساعانىن مالىمدەدى
استانا. KAZINFORM - يەمەندىك حۋسيتتەر ادەن شىعاناعىندا امەريكالىق Chem Ranger كەمەسىنە زىمىرانمەن شابۋىل جاسادى.
بۇل تۋرالى «انسار اللاح» كوتەرىلىسشىلەر قوزعالىسىنىڭ اسكەري وكىلى ياحيا ساريا مالىمدەدى، دەپ حابارلايدى ت ا س س اقپارات اگەنتتىگى.
«يەمەن اسكەري-تەڭىز كۇشتەرى ادەن شىعاناعىندا امەريكالىق Chem Ranger كەمەسىنە بىرنەشە زىمىرانمەن شابۋىل جاساعان وپەراتسيانى وتكىزدى»، - دەدى ساريا حۋسيتتەرگە تيەسىلى Al Masirah ەفيرىندە.
قوزعالىس وكىلىنىڭ سەندىرۋىنشە، حۋسيتتەر كەمەگە تىكەلەي سوققىنى تىركەدى. ول سونداي- اق بۇل شابۋىلدىڭ ا ق ش پەن ۇلىبريتانيانىڭ يەمەن اۋماعىنداعى «انسار اللاح» نىساندارىنا جاساعان سوققىلارىنا جاۋاپ بولعانىن قوسىپ ءوتتى.
بۇعان دەيىن ۇلى بريتانيا اسكەري-تەڭىز كۇشتەرىنىڭ تەڭىز ساۋداسىن ۇيلەستىرۋ ورتالىعى (UKMTO) بەيسەنبى كۇنى يەمەن جاعالاۋىنا جاقىن جەردە بولعان ەكى وقيعا تۋرالى حابارلادى. UKMTO مالىمەتىنشە، ءبىرىنشى وقيعا ەش-شيحر قالاسىنان وڭتۇستىك-شىعىسقا قاراي 85 تەڭىز ميل جەردە بولعان. تەڭىز قاۋىپسىزدىگىن قامتاماسىز ەتەتىن بريتاندىق Ambrey كومپانياسىنىڭ مالىمەتىنشە، مارشالل ارالدارى جالاۋىمەن ءجۇزىپ جۇرگەن امەريكاندىق تانكەرگە ەل- مۋكاللا قالاسىنان وڭتۇستىك- شىعىسقا قاراي شامامەن 87 ميل جەردە ءتورت ۇشقىشسىز باسقارىلاتىن ۇشاق جاقىنداعان. UKMTO تىركەگەن تاعى ءبىر وقيعا ادەن پورتىنان وڭتۇستىك- شىعىسقا قاراي 115 تەڭىز ميلىندە ورىن الدى. ءبىرىنشى جاعدايداعىداي، Ambrey مارشالل ارالدارىنىڭ جالاۋىمەن ءجۇزىپ كەلە جاتقان تانكەرگە ۇشقىشسىز ۇشاقتاردىڭ جاقىنداعانىن حابارلادى. Ambrey مالىمەتىنشە، وقيعا ادەننەن وڭتۇستىك-شىعىسقا قاراي 103 ميل جەردە بولعان.
MarineTraffic كەمەلەردى قاداعالاۋ قىزمەتىنىڭ حابارلاۋىنشا، حيميكاتتار تاسىمالدايتىن Chem Ranger تانكەرى مارشالل ارالدارىنىڭ تۋى استىندا جيددا پورتىنان كۋۆەيتكە قاراي ءجۇزىپ كەلەدى. سوڭعى رەت كەمە ءوزىنىڭ ورنالاسقان جەرى تۋرالى دەرەكتەردى 16-قاڭتاردا جىبەرگەن ەدى -ول كەزدە كەمە قىزىل تەڭىزدىڭ ورتالىق بولىگىندە، جونەلتۋ پورتىنا جاقىن جەردە بولعان.
