Hayat Vax ۆاكسيناتسياسى تۋرالى نە بىلەمىز
Hayat-Vax -اتتى(SARS- CoV-2, Vero Cell) ۆاكسينا - بۇل بەلسەندىلىگى جويىلعان كوروناۆيرۋس ينفەكسياعا قارسى ۆاكسينا، بىرىككەن اراب امىرلىكتەرى (ب ا ءا)، راس- ال-حايما قالاسىنداعى «جۋلپار» فارماتسيەۆتيكالىق وندىرىسىندە شىعارىلعان. Hayat Vax ۆاكسيناسىن ب ا ءا دەنساۋلىق ساقتاۋ جانە الدىن الۋ مينيسترلىگى 2020 -جىلدىڭ 9-جەلتوقسانىندا تىركەدى، سودان كەيىن قىتايدا 2020 -جىلى 30-جەلتوقساندا تىركەلدى. بۇگىنگى كۇنى قىتايدان باسقا ۆاكسينا ب ا ءا - دە وندىرۋگە ماقۇلداندى. ارنايى مالىمەتتەرگە ساي الەمنىڭ 34 مەملەكەتىنە بۇل ۆاكسينانىڭ 50 ميلليوننان استام دوزاسى قولدانۋعا جىبەرىلگەن.
Hayat Vax ۆاكسيناسىنىڭ قاۋىپسىزدىگى
Hayat Vax - ۆاكسيناسىن جاساۋ ءۇشىن بايىرعى، ءبىراق دالەلدەنگەن بەلسەندىلىگى جويىلعان ۆاكسينا جاساۋ تەحنولوگياسى قولدانىلادى. وسى تەحنولوگيانىڭ كومەگىمەن ۆيرۋس ورگانيزمدە قورعانىس انتيدەنەلەرىن ءتۇزۋ قابىلەتىن ساقتاي وتىرىپ، جويىلادى. دۇنيەجۇزىلىك دەنساۋلىق ساقتاۋ ۇيىمىنىڭ مالىمەتتەرى بويىنشا يناكتيۆاتسيالانعان ۆاكسينالارداعى اديۋۆانتتاردىڭ زيانسىز ەكەندىگى دالەلدەندى. اديۋۆانتتار - يناكتيۆتى ۆاكسينانىڭ قۇرامىنداعى قوسالقى زاتتار رەتىندە ولار يممۋندىق جۇيەنى ىنتالاندىرادى جانە ورگانيزمدەگى يممۋنيتەتتىڭ ۇزاقتىعىنا ىقپال ەتەدى. Hayat Vax ۆاكسيناسىندا كونسەرۆانتتار جوق. ۆاكسينا ءبىر دوزالىق قۇتىدا قول جەتىمدى. Hayat Vax سينوفارم ۆاكسيناسىنىڭ نەگىزىندە جاسالىنعاندىقتان بارلىق سيپاتتاماسى ۆاكسيناسىنا سايكەس كەلەدى، ال ول ۆاكسينا سىناۋدىڭ ءۇشىنشى كەزەڭى ارگەنتينا، باحرەين، ەگيپەت، ماروككو، پاكىستان، پەرۋ جانە بىرىككەن اراب امىرلىكتەرىندە (ب ا ءا) وتكىزىلدى، وعان 68000 استام ادام قاتىستى. يممۋنيزاتسيادان كەيىنگى جاعىمسىز كورىنىستەر (بۇدان ءارى – ي ك ق ك)، سونىڭ ىشىندە ۆاكسيناتسيالاۋدان كەيىن اۋىر اللەرگيالىق رەاكسيالار تىركەلمەگەن.
Hayat Vax ۆاكسيناسى ءتيىمدى مە؟
قازىرگى كۇنى بۇل ۆاكسينانىڭ بۇكىل الەمدە 10 ميلليوننان استام دوزاسى قولدانىلعان جانە ەشقانداي جاعىمسىز جاعدايلار تىركەلمەگەن. قول جەتىمدى جانە ارالىق ناتيجەلەرگە سۇيەنە وتىرىپ دالەلدەنگەن مالىمەتتەر: COVID-19 ينفەكسياسىنا قارسى تيىمدىلىگى %79,3؛ اۋرۋدىڭ ورتاشا جانە اۋىر جاعدايلارىنىڭ الدىن الۋدا تيىمدىلىگى %100.
ۆاكسينا يممۋندىق جاۋاپتى قالاي تۋدىرادى؟
كوروناۆيرۋستىق ينفەكسيا ۆيرۋسىنىڭ بەلسەندىلىگى جويىلىپ (ءولتىرىلىپ)، تازارتىلعان بولشەكتەرىن ەنگىزۋگە جاۋاپ رەتىندە دەنەنىڭ يممۋندىق جۇيەسى ىنتالاندىرىلىپ، ەرەكشە انتيدەنەلەر تۇزىلەدى. ال كوروناۆيرۋستىق ينفەكسيانىڭ پاتوگەندى ۆيرۋسى اعزاعا تۇسكەندە، ۆاكسيناتسيادان كەيىن الدىن الا جاسالعان انتيدەنەلەر ۆيرۋستىق بەلوكتارعا جابىسىپ، ولاردى بلوكتايدى. بۇل جاعدايدا ۆيرۋس دەنەگە زيان كەلتىرە المايدى. كوپتەگەن ادامداردى ۆاكسيناتسيالاۋ ۇجىمدىق يممۋنيتەتتى قالىپتاستىرۋعا ىقپال ەتەدى.
نەعۇرلىم كوپ ادامدار ۆاكسيناتسيالانعان بولسا، ولاردىڭ اۋرۋعا شالدىعۋ مۇمكىندىگى از بولادى. كوروناۆيرۋس ىندەتىنىڭ ودان ءارى تارالۋىن تۇراقتاندىرۋ جانە الدىن الۋ ءۇشىن حالىق اراسىنداعى ۆاكسيناتسيالاۋ %60 دان كەم ەمەس دەڭگەيدە تۇراقتى ۇستاۋ كەرەك.
Hayat Vax ۆاكسيناسىمەن ۆاكسيناتسيالاۋ كىمگە ارنالعان؟
Hayat Vax ۆاكسيناسى 18 جاستان اسقان ەرەسەك ادامدارعا ارنالعان (اسىرەسە سوزىلمالى اۋرۋلارىنىڭ ءورشۋ كەزەڭى جوق كەزىندە ەگدە ادامدارعا).
Hayat Vax ۆاكسيناسىن كىمگە الۋعا بولمايدى؟
ۆاكسينانىڭ كەز- كەلگەن كومپونەنتىنە (بەلسەندى جانە قوسىمشا زاتتارىنا) اۋىر اللەرگيالىق رەاكسياسى بار ادامدار نەمەسە وسى ۆاكسينانى الدىڭعى دوزاسىن ەنگىزگەندە اللەرگيالىق رەاكسيالار بولعاندا؛ عىلىمي زەرتتەۋلەر ۆاكسينانىڭ كەلەسى توپتار ءۇشىن قاۋىپسىز ەكەنىن دالەلدەگەنگە دەيىن ۆاكسينا قولدانۋعا كەڭەس بەرىلمەيدى: جۇكتىلىك كەزىندە، بالا ەمىزەتىن انالارعا؛ 18 جاسقا دەيىنگى بالالار مەن جاسوسپىرىمدەرگە؛
ۆاكسينا ۋاقىتشا ۇسىنىلمايدى:
بۇلشىقەتكە ينەكسيا جاساۋ بارىسىندا قان كەتۋ قاۋپىنە بايلانىستى تەمپەراتۋراسى كوتەرىلۋمەن قاتار جۇرەتىن جەدەل ينفەكسيالىق اۋرۋلارى بار ادامدار. ۆاكسيناتسيالاۋ ساۋىققاننان كەيىن ەكى- ءتورت اپتادان كەيىن ۇسىنىلادى. اعىمداعى ۋاقىتتا سوزىلمالى اۋرۋلارىنىڭ ءورشۋى بايقالعان ادامدار. مۇنداي ناۋقاستارعا ۆاكسيناتسيا تەك اۋرۋدىڭ رەميسسياسى كەزىندە ۇسىنىلادى. جاقىن ارادا جۇكتىلىكتى جوسپارلايتىن ايەلدەر. قازىرگى كۇنى ۆاكسينانىڭ 2-دوزاسىن العاننان كەيىن 2 اي وتكەننەن سوڭ جۇكتىلىكتى جوسپارلاۋ ۇسىنىلادى.
پ ت ر-ءادىسى بويىنشا Covid-19 وڭ ناتيجە كورسەتكەن ادامدار؛
جۇقپالى اۋرۋى بار ادامدارمەن، ونىڭ ىشىندە Covid-19-مەن كارىم- قاتىناستا بولعان ادامدار. ەسكە سالساق، قازاقستان ب ا ءا وندىرىلگەن Hayat-Vax ۆاكسيناسىنىڭ پارتياسىن ساتىپ الدى.
