حاربيندەگى قىسقى ازيا ويىندارىنا 6 مىڭعا جۋىق ۆولونتەر تارتىلعان

حاربين قىسقى ازيا ويىندارىن ۇيىمداستىرۋ كوميتەتىنىڭ ادام رەسۋرستارى جانە ۆولونتەرلىك قىزمەت دەپارتامەنتى ديرەكتورىنىڭ ورىنباسارى لي يانفەننىڭ ايتۋىنشا، ازيادادا 5875 ۆولونتەر قىزمەت اتقارعان.

- قىسقى ازيا ويىندارىنا ەرىكتىلەردى ىرىكتەۋ 2023-جىلدىڭ 30-قاراشاسىندا باستالىپ، 2024-جىلدىڭ 31-قاڭتارىندا اياقتالادى. ۇمىتكەرلەردىڭ جالپى سانى 100 مىڭعا جۋىقتادى. جوعارى بىلىكتى جانە كاسىبي ءىس-شارا ۆولونتەرلەر كومانداسىن جاساقتاۋ ءۇشىن، مۇقيات ىرىكتەۋدەن كەيىن 5875 ەرىكتى تاڭداپ الىندى، - دەدى ول.

ونىڭ ايتۋىنا قاراعاندا، ەرىكتىلەر 12 ەلدەن كەلگەن 26 سى قىتايدا وقىپ جاتقان ستۋدەنتتەر.

- بەيجىڭدەگى قىسقى وليمپيادا ويىندارى جانە حانچجوۋداعى ازيا ويىندارىنا قاتىسقان 560 ەرىكتى شاقىرىلدى. ولار ءىس-شارالاردىڭ ۇزدىكسىز ءوتۋىن قامتاماسىز ەتۋ ءۇشىن وزدەرىنىڭ باي تاجىريبەسىن پايدالاندى، - دەيدى لي يانفەن.

ايتا كەتيىك، ۆولونتەرلەر حالقارالىق سپورتتىق جانە باسقا شارالاردىڭ وتۋىندە ماڭىزدى ءرول اتقارادى. ولار الەمنىڭ ءتورت بۇرىشىنان كەلگەن شاراعا قاتىسۋشىلارعا وزدەرىنىڭ كومەگىن كورسەتەدى.

وسىعان دەيىن حابارلاعانىمىزداي، قىسقى ازيادانىڭ شاڭعىمەن سىرعاناۋ جارىسىندا مەديا قىزمەتكەرلەرىنە كومەك كورسەتەتىن ۆولونتەر شى تسزينفان Kazinform تىلشىسىنە قازاقستان تۋرالى ديماش قۇدايبەرگەن ارقىلى بىلەتىنىن ايتقان بولاتىن.

اۆتور مۇحتار قاليموللا ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى