حاربين-2025: قىسقى ازيا ويىنىندا ەل نامىسىن قانشا سپورتشى قورعايدى
استانا. قازاقپارات — 2025-جىلعى 7-14-اقپان ارالىعىندا قىتايدىڭ حاربين قالاسىندا وتەتىن IX قىسقى ازيا ويىندارىنا قازاقستاننان 139 سپورتشى ەل نامىسىن قورعايدى. ولار 64 مەدال جيىنتىعى ساراپقا سالىناتىن 11 سپورت تۇرىنەن سىنعا تۇسەدى.
بۇل تۋرالى ق ر تۋريزم جانە سپورت مينيسترلىگى قوعامدىق كەڭەسىنىڭ كەزەكتى وتىرىسىندا سپورت جانە دەنە شىنىقتىرۋ ىستەرى كوميتەتىنىڭ ءتوراعاسى رۋسلان ەسەنالين اتاپ ءوتتى.
- حاربيندە قازاقستان قۇراماسىنىڭ سپورتشىلارى 64 مەدال جيىنتىعى ساراپقا سالىناتىن 11 سپورت تۇرىنەن سىنعا تۇسەدى. سارى قۇرلىق دوداسىندا وتاندىق 139 سپورتشى ونەر كورسەتەدى. بيىلعى ازيادا باعدارلاماسىنا شاڭعى-الپينيزم سپورتى ەنگىزىلگەن. قازاقستاندىق سپورتشىلار بۇل سپورت تۇرىنەن جاقسى ناتيجە كورسەتۋدى جوسپارلاپ وتىر، - دەدى سپورت جانە دەنە شىنىقتىرۋ ىستەرى كوميتەتىنىڭ ءتوراعاسى رۋسلان ەسەنالين.
ايتا كەتەيىك، 2017-جىلى ساپپورودا (جاپونيا) وتكەن ەڭ سوڭعى قىسقى ازيا ويىندارىندا قازاقستان قۇراماسىنىڭ سپورتشىلارى جالپى سانى 32 مەدال جەڭىپ العان بولاتىن.
اۆتور كۇنسۇلتان وتارباي
