حاماس يزرايلمەن كەلىسىمگە كەلۋى مۇمكىن
حاماس كوشباسشىلارىنىڭ ءبىرى، توپتىڭ ساياسي بيۋروسىنىڭ باسشىسى يسمايل حانيا يزرايلمەن بىتىمگەرشىلىك جاقىنداپ قالعانىن حابارلادى.
تاراپتار گازا سەكتورىنىڭ وڭتۇستىك بولىگىندە بەس كۇن وق جاۋدىرۋدى توقتاتۋ تۋرالى كەلىسىمگە كەلۋى مۇمكىن.
Kazinform بۇل تۋرالى Reuters باسىلىمىنا سىلتەمە جاساپ حابارلايدى.
ونىڭ وتەۋى رەتىندە حاماس پەن «يسلام جيھادى» اسكەرى تۇتقىنعا العان 50 ادامنان 100 ادامعا دەيىن بوساتادى.
حاماس پەن يزرايل اراسىنداعى كەلىسسوزدە كاتار بىتىمگەر بولىپ وتىر. كاتاردا حاماس ساياسي توبىنىڭ كەڭسەسى ورنالاسقان، ال دوحادا يسمايل حانيا تۇرادى.
بۇعان دەيىن ا ق ش پرەزيدەنتى دجو بايدەن تۇتقىنداردى بوساتۋ تۋرالى كەلىسىم جاقىن ارادا ورناۋى مۇمكىن ەكەنىن ءمالىم ەتكەن.
دۇيسەنبى كۇنى اراب جانە يسلام ەلدەرىنىڭ س ءى م قىتايعا بارىپ، ق ح ر سىرتقى ىستەر ءمينيسترى ۆان ي مىرزامەن پالەستينا ماسەلەسىن تەز ارادا شەشۋ تۋرالى كەلىسسوز ءجۇردى.
