حاماس سەنبىدە كەپىلگە الىنعان ءۇش يزرايلدىك تۇتقىندى بوساتادى
استانا. KAZINFORM - حاماس قوزعالىسى سەنبى، 15-اقپاندا جوسپارلانعانداي كەپىلگە الىنعان ءۇش يزرايلدىك ازامات بوساتىلاتىنىن راستادى، دەپ حابارلايدى Euronews.
يزرايل اقپارات قۇرالدارىنىڭ حابارلاۋىنشا، كەپىلگە الىنعانداردىڭ اتى-ءجونى جۇما كۇنى بەلگىلى بولادى.
بۇعان دەيىن پالەستينانىڭ يسلامدىق قارسىلاسۋ قوزعالىسى (حاماس) گازا سەكتورىنداعى اتىستى توقتاتۋ، سونىڭ ىشىندە تۇتقىندارمەن الماسۋ تۋرالى كەلىسىمدى ورىنداۋعا نيەتتى ەكەنىن راستادى.
Euronews-تىڭ حابارلاۋىنشا، مامىلەنىڭ ءبىرىنشى كەزەڭى ناۋرىزدىڭ باسىندا اياقتالادى، ال ەكىنشى كەزەڭ بارىسىندا حاماس ۇزاق مەرزىمدى اتىستى توقتاتۋ شارتىنا ايىرباس رەتىندە كەپىلگەن الىنعان قالعان ادامداردى بوساتۋى ءتيىس، ءبىراق ونىڭ شارتتارى بويىنشا ناقتى كەلىسسوزدەر ءالى جۇرگىزىلگەن جوق. حاماس پەن ونىڭ وداقتاستارى كەپىلگە العان 251 ادامنىڭ 73 ى ءالى بوساتىلماعان. ولاردىڭ جارتىسى قازا تاپقان بولۋى مۇمكىن.
ەسكە سالا كەتسەك، دۇيسەنبى كۇنى حاماس توبى سەنبىگە جوسپارلانعان يزرايلدىك كەپىلگە الىنعانداردى بوساتۋدى بەلگىسىز ۋاقىتقا كەيىنگە شەگەرەتىنىن مالىمدەگەن بولاتىن.
يزرايل حاماس-تىڭ تۇتقىنداردى بوساتۋدى توقتاتۋ تۋرالى مالىمدەمەسىنە جاۋاپ بەردى.
يزرايل پرەمەر-ءمينيسترى بينيامين نەتانياحۋ ەگەر حاماس سەنبى كۇنى تۇسكە دەيىن كەپىلگە الىنعانداردى قايتارماسا، يزرايل ارمياسى گازا سەكتورىنداعى اسكەري وپەراتسيالارىن قايتا باستايتىنىن مالىمدەدى.
اۆتور
زارينا تۋعانبايەۆا
