حاماس كەپىلگە الىنعانداردى بەرۋدى كەيىنگە قالدىردى
حاماس- تىڭ قارۋلى كۇشتەرى گازا سەكتورىندا تۇتقىنعا الىنعان ەكىنشى توپتى بوساتۋدى يزرايل «كەلىسىمدى ورىنداي باستاعانعا دەيىن» كەيىنگە قالدىراتىنىن مالىمدەدى، دەپ حابارلايدى Kazinform euronews ارناسىنا سىلتەمە جاساپ.
«ەززەدين ءال- كاسسام بريگادالارى „گازا سەكتورىنىڭ سولتۇستىگىنە گۋمانيتارلىق جۇك كولىكتەرىنىڭ كىرۋىن“ جانە پالەستينالىق تۇتقىنداردى بوساتۋ ءۇشىن „تاڭداۋ كريتەرييلەرىن“ ساقتاۋدى تالاپ ەتەدى» ، — دەلىنگەن باسپا ءسوز حابارلاماسىندا.
يزرايل بيلىگى كەپىلگە الىنعانداردىڭ ءالى حالىقارالىق قىزىل كرەست كوميتەتىنە (ح ق ك ك) تاپسىرىلماعانىن راستادى.
حاماس- تىڭ رەسمي وكىلى كەپىلگە الىنعانداردى بوساتۋدىڭ كەشىگۋىنە بايلانىستى «پروبلەمالاردى شەشۋگە» كۇش سالىپ جاتقانىن ايتتى.
كاتار ءالى دە داعدارىستى شەشۋگە تىرىسۋدا جانە يزرايل مەن حاماس اراسىنداعى ءبىتىم كەلىسىمى ازىرگە كۇشىندە.
كاتار سىرتقى ىستەر مينيسترلىگىنىڭ وكىلى بۇگىن تۇندە 39 پالەستينالىق ازاماتتىڭ كەپىلگە الىنعان 13 يزرايلدىك پەن 7 شەتەلدىك ازاماتتىڭ ورنىنا بوساتىلاتىنىن ايتتى.
ءباسپاسوز حاتشىسىنىڭ سوزىنشە، «كەدەرگىلەر كاتار مەن ەگيپەتتىڭ اراعايىندىعى ارقىلى ەڭسەرىلدى» .
وسىدان بىرنەشە ساعات بۇرىن حاماس- تىڭ قارۋلى كۇشتەرى گازا سەكتورىندا تۇتقىنعا الىنعان ەكىنشى توپتى بوساتۋدى يزرايل «كەلىسىمدى ورىنداي باستاعانشا» كەيىنگە قالدىراتىنىن مالىمدەگەن.
ەسكە سالايىق، بۇعان دەيىن يزرايل مەن حاماس ەكىنشى الماسۋ جۇرگىزگەنى ءمالىم بولعان.
