حاماس كەپىلگە الىنعان يزرايلدىكتەردى بوساتۋعا دايىن
حاماس- تىڭ جوعارى لاۋازىمدى وكىلى گازي حاماد NBC News كە بەرگەن سۇحباتىندا باسشىلىق ءبىر ايعا جۋىق ۋاقىت بويى كەپىلگە الىنعانداردى بوساتۋ بويىنشا «تولىق ىمىراعا كەلۋگە» دايىن ەكەنىن مالىمدەدى.
kazinform بۇل تۋرالى NBC News كە سىلتەمە جاساپ حابارلايدى.
الايدا تاياۋدا عانا يزرايلگە قارسى جاڭا لاڭكەستىك شابۋىل جاسايمىن دەپ بىرنەشە رەت قورقىتقان حاماد سونىمەن «يزرايلدىك تۇرمەلەردەگى بارلىق تۇتقىندى بوساتۋ» تۋرالى تالاپ قويدى.
«ءبىز بۇل ادامداردىڭ ۇيلەرىنە ورالعانىن قالايمىز. سونداي- اق بىزدەگى تۇتقىندار دا ۇيلەرىنە ورالعانىن قالايمىز. سوندىقتان ءبىز قازىر تولىق ىمىراعا كەلىپ، كەپىلگە الىنعان بارلىق ادام: اسكەريلەردى دە، بەيبىت تۇرعىنداردى دا قابىلداۋ ءۇشىن مامىلەنى اياقتاۋعا دايىنبىز دەپ ويلايمىن»، - دەپ مالىمدەدى حاماد.
ب ۇ ۇ حابارلاۋىنشا، يزرايل 5000 پالەستينالىقتى، سونىڭ ىشىندە 160 بالانى تۇتقىندا ۇستاپ وتىر. حاماس 7-قازاندا يزرايلگە شابۋىل جاساعاننان بەرى 230 دان استام ادامدى كەپىلگە العان.
حاماد NBC News ارناسىنا بەرگەن سۇحباتىندا ءيزرايلدى گازا سەكتورىنا قارسى اگرەسسياسىن توقتاتۋعا شاقىردى.
ايتا كەتەيىك، حاماد وتكەن اپتادا ليۆاننىڭ LBC تەلەارناسىنا حاماس ءيزرايلدى جويۋى كەرەك ەكەنىن جانە 7-قازانداعى وپەراتسيانى «ەكىنشى، ءۇشىنشى، ءتورتىنشى» رەت قايتالاۋعا دايىن ەكەنىن ايتتى. ول توپتىڭ باسقىنشىلىققا قارسى كۇرەستى جالعاستىرعىسى كەلەتىنىن قوستى.
«باسقىنشىلىققا قارسى كۇرەسۋ - زاڭدى قۇقىعىمىز. بۇل حالىقارالىق قۇقىققا ساي. بارلىق ەرەجە مەن زاڭعا سايكەس»، - دەدى ول.
«حاماس يزرايلدىڭ گازا سەكتورىنا شابۋىلىن توقتاتقانى ءۇشىن نە ىستەيدى؟» دەگەن سۇراق قويىلدى. وعان حاماد «ءبىز اگرەسسيانى، حالقىمىزدى ءولتىرۋ جانە قىرعىندى توقتاتقىمىز كەلەدى. وسىدان كەيىن ءبىز كەز كەلگەن اڭگىمە-كەپىلگە الىنعاندار، تۇتقىندار، ءبارى تۋرالى سويلەسە الامىز، ءبىراق الدىمەن ولار اگرەسسيانى توقتاتۋى كەرەك»، - دەپ جاۋاپ بەردى.
