ح ا م ا س رەسەي ازاماتىن بوساتتى – ر ف س ءى م

يزرايل ارمياسىنىڭ مالىمەتىنشە، ح ا م ا س قىزىل كرەست ۇيىمىنا كەپىلگە الىنعان 17 ادامدى - 13 يزرايلدىك، 1 رەسەيلىك جانە 3 تايلاند ازاماتىن تاپسىرعان.

رەسەي ءتولقۇجاتى بار كەپىلگە الىنعان ادام ح ا م ا س- پەن الماسۋ تىزىمىنەن تىس تىكەلەي كەلىسىمدەر ناتيجەسىندە بوساتىلدى، جاقىن ارادا رەسەيلىك ديپلوماتتار بوساتىلعان رەسەيلىككە بارادى. بۇل تۋرالى تاسس اگەنتتىگىنە رەسەي سىرتقى ىستەر مينيسترلىگىنىڭ رەسمي وكىلى ماريا زاحاروۆا حابارلادى.

- رەسەي ديپلوماتتارىنىڭ ح ا م ا س- پەن بايلانىستا بولعان كەپىلدەگىلەردى بوساتۋعا باعىتتالعان تالپىنىستارى ءوز ناتيجەسىن بەرۋدە. بۇگىن رەسەي ءتولقۇجاتىنىڭ يەسى بوساتىلىپ، قىزىل كرەست ۇيىمىنا تاپسىرىلدى. رەسەي ديپلوماتتارى وعان تەز ارادا بارادى. بۇل تۇتقىنداردى بوساتۋ تۋرالى كەلىسىم اياسىنداعى تىزىمىنەن تىس ورىن الدى. رەسەيلىك وكىلدەر مەن حاماس اراسىنداعى تىكەلەي بايلانىستار بولدى. بۇل جۇمىس ءالى دە جالعاسادى»، - دەدى ول.

زاحاروۆانىڭ ايتۋىنشا، بوساتىلعان رەسەيلىك - رون ولەگوۆيچ كريۆوي.

بۇعان دەيىن ح ا م ا س ساياسي بيۋروسىنىڭ باسشىسى يسمايل حانيەنىڭ باسپا ءسوز حاتشىسى تاحەر ءال- نۋنۋ تاسس اگەنتتىگىنە قوزعالىس رەسەي ازاماتتىعىن العان كەپىلدى بوساتىپ، ونى حالىقارالىق قىزىل كرەست كوميتەتىنىڭ وكىلدەرىنە تاپسىرعانىن مالىمدەگەن.

قازان ايىنىڭ سوڭىندا رەسەي پرەزيدەنتىنىڭ تاياۋ شىعىس جانە افريكا ەلدەرى بويىنشا ارنايى وكىلى، سىرتقى ىستەر ءمينيسترىنىڭ ورىنباسارى ميحايل بوگدانوۆ ت ا س س اگەنتتىگىنە ح ا م ا س قوزعالىسى وكىلدەرى رەسەي فەدەراتسياسىنىڭ كەپىلدەگى سەگىز رەسەيلىكتى بوساتۋ تۋرالى وتىنىشىنە جاۋاپ بەرۋگە ۋادە بەرگەنىن ايتتى.

اۆتور

اسحات رايقۇل

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى