فينليانديا رەسەيمەن شەكارانى جابۋ جوسپارىن جاساپ جاتىر

فينليانديا ىشكى ىستەر مينيسترلىگى رەسەيدەن كەلەتىن ادامداردىڭ كوبەيىپ بارا جاتقانىنا الاڭداپ، شىعىس شەكارانى تولىق جاۋىپ تاستاۋدىڭ جوسپارىن جاساۋدى قولعا الدى. بۇل تۋرالى Iltalehti حابارلادى.

باسىلىمعا سىلتەمە جاساعان ر ب ك تەلەارناسىنىڭ حابارلاۋىنشا، رەسەي فەدەراتسياسى فينليانديامەن شەكاراعا ەۋروپاعا كۇنكورىس كوزىن ىزدەگەن ميگرانتتاردى كوپتەپ اكەلىپ، جاعدايدى ادەيى ۋشىقتىرىپ جاتىر. وسىعان بايلانىستى سۋومي بيلىگى شەكاراداعى باقىلاۋ-وتكىزۋ بەكەتىنىڭ ءبارىن تەز جاۋىپ تاستاۋ ماقساتىندا شەكتەۋ ەنگىزۋ جوسپارىن جاساۋعا كىرىستى.

فينليانديانىڭ وڭتۇستىك-شىعىس شەكارا قىزمەتىنىڭ مالىمەتىنە قاراعاندا، شەكاراعا بوسقىنداردىڭ كوپتەپ كەلگەنى بەلگىلى بولدى. ولاردىڭ سانى 100 گە جەتتى.

بۇعان دەيىن فينليانديا «يمارتا»، «نيرالا»، «ۆااليماا»، «نۋياماا» مەن «ۆيارتسيليا» اۆتوموبيل وتكىزۋ بەكەتتەرىن جاۋىپ، رەسەيدەن كەلەتىن كولىكتەردىڭ جولىن بوگەپ تاستاعان ەدى. شەكتەۋ 2023-جىلعى 17- قاراشادان 2024-جىلعى 18- اقپانعا دەيىن قولدانىستا بولعان. ەندى ونى تاعى ۇزارتاۋعا تۋرا كەلىپ تۇر.

بۇگىن اتالعان شەكارا بەكەتتەرى اشىلعان جوق.

ەندى فينليانديادان كەيىن ەستونيا مەن نورۆەگيا دا رەسەيمەن شەكارانى جاۋىپ تاستاۋ مۇمكىندىگىن قاراستىرىپ جاتىر. ونىڭ ۇستىنە ەستونيا ر ف- مەن شەكارا بەلدەۋىنە تانكىنىڭ ءجۇرىپ وتۋىنە كەدەرگى كەلتىرەتىن تەمىر قۇرساۋ سالىپ تاستادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى