فينليانديا، دانيا: الەمدەگى ەڭ باقىتتى ەلدەردىڭ ءتىزىمى جاريالاندى

2023 -جىلداعىداي، وتكەن جىلى دا ۇزدىك ءۇش ورىن وزگەرىسسىز قالدى. العاشقى وندىققا شۆەتسيا، نيدەرلاندى، كوستا-ريكا، نورۆەگيا، يزرايل، ليۋكسەمبۋرگ جانە مەكسيكا ەندى.

الەمدەگى ەڭ قۋاتتى مەملەكەت سانالاتىن ا ق ش نەبارى 24-ورىندا تۇر. اۋعانستان - قازىرگى ۋاقىتتا جەر بەتىندەگى ەڭ باقىتسىز ەل. تومەنگى قاتاردا سەررا-لەونە، ليۆان، مالاۆي، زيمبابۆە، بوتسۆانا، كونگو دەموكراتيالىق رەسپۋبليكاسى جانە يەمەن ەلدەرى بار.

ەڭ باقىتتى ەلدەردىڭ رەيتينگى العاش رەت 2012 -جىلى جاريالاندى. بۇل زەرتتەۋدە ءال-اۋقاتتى قامتاماسىز ەتەتىن التى نەگىزگى فاكتور ەسكەرىلەدى: الەۋمەتتىك قولداۋ، تابىس، دەنساۋلىق، ەركىندىك، جومارتتىق جانە سىبايلاس جەمقورلىقتىڭ بولماۋى. ۇكىمەتتەر بۇل تالداۋدى باقىت ساياساتىنىڭ باعىتتارىن انىقتاۋ ءۇشىن پايدالانادى. ناتيجە ءداستۇرلى تۇردە 20 -ناۋرىز - حالىقارالىق باقىت كۇنىندە جاريالانادى.

ەسكە سالا كەتەيىك، بۇعان دەيىن ەڭ باقىتتى ەلدەر رەيتينگىندە قازاقستان قاي ورىندا تۇرعانىن جازعان ەدىك.

اۆتور

بەگابات ۇزاقوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى