فوتوگراف يزرايلدىك زىمىراننىڭ بەيرۋتتەگى عيماراتقا تيگەن ءساتىن ءتۇسىرىپ الدى

اۋە شابۋىلى يزرايلدىڭ وسى اۋدانداعى ەكى عيماراتتى ەۆاكۋاتسيالاۋ تۋرالى ەسكەرتۋىنەن 40 مينۋت وتكەن سوڭ جاسالدى.

يزرايلدىڭ اسكەري وكىلى نىساناعا وسى عيماراتتاردىڭ نەگە الىنعانىن تۇسىندىرمەدى، تەك ولاردىڭ «حەزبوللامەن» بايلانىستى «مۇددەلەرى مەن نىساندارىنا» جاقىن ەكەنىن ايتتى.

جاقىن جەردە ءوتىپ جاتقان «حەزبوللا» باسپا ءسوز كونفەرەنسياسى ءۇزىلىپ، Associated Press فوتوگرافى عيماراتقا قاراي ۇشىپ بارا جاتقان زىمىراننىڭ سۋرەتىن ءتۇسىرىپ العان. عيمارات بىرنەشە مينۋتتان سوڭ جويىلدى.

ەسكەرتۋ كوپتەگەن ادامداردى وسى اۋداننان كەتۋگە يتەرمەلەدى، ءبىراق باسقالارى، سونىڭ ىشىندە بىرنەشە ءتىلشى جاعدايدى باقىلاۋدى جالعاستىردى. شابۋىل كەزىندە عيمارات ەۆاكۋاتسيالانعان، زارداپ شەككەندەر تۋرالى اقپارات تۇسكەن جوق.

زىمىران عيماراتقا تيگەنگە دەيىن بىرنەشە مينۋت بۇرىن شاتىرعا يزرايل اسكەرى ەسكەرتۋ سوققىلارى دەپ اتايتىن ەكى كىشىرەك سنارياد اتىلدى، دەپ حابارلادى وقيعا ورنىنداعى AP تىلشىلەرى. بۇل - يزرايلدىڭ گازا سەكتورىنا سوققى بەرۋ كەزىندە ۇستانعان تاجىريبە.

«مەن عيماراتقا ۇشىپ بارا جاتقان زىمىراننىڭ ىسقىرىعىن ەستىدىم، سودان كەيىن تۇسىرە باستادىم»، - دەدى سەيسەنبىدە فوتوگراف بيلال حۋسەين.

دۇيسەنبى كۇنى كەشكە بەيرۋتتە يزرايلدىك اۋە شابۋىلى ەلدىڭ ەڭ ۇلكەن مەملەكەتتىك اۋرۋحاناسىنىڭ قارسى جاعىنداعى بىرنەشە عيماراتتى قيراتىپ، سالدارىنان 18 ادام قازا تاپتى، كەمىندە 60 قا جۋىق ادام جاراقات الدى. يزرايل اسكەرى «حەزبوللا» نىساناسىنا سوققى بەرگەنىن، اۋرۋحانانىڭ ءوزىن نىساناعا الماعانىن مالىمدەدى.

ليۆاننىڭ دەنساۋلىق ساقتاۋ مينيسترلىگى سەيسەنبىدە مالىمدەگەنىندەي، سوڭعى 24 ساعاتتا 63 ادامنىڭ قايتىس بولدى، سالدارىنان يزرايل مەن «حەزبوللا» اراسىنداعى قاقتىعىستىڭ وتكەن جىلى قازا تاپقانداردىڭ جالپى سانى 2,546 ادامعا جەتكەن.

اۆتور
زارينا تۋعانبايەۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى