فۋتزالدان قازاقستان قۇراماسى ۆەتناممەن تەڭ ءتۇستى

كەزدەسۋ بارىسىندا قازاقستاندىق فۋتزالشىلار ەكى گول قاتارىنان سوعىپ كەتتى. ونى ەل قۇراماسىنان ەرسۇلتان ساعىندىقوۆ پەن نۇرسۇلتان پيالى ءوزىنىڭ ەنشىسىنە جازدى.

ەكىنشى كەزەڭدە ۆەتنامدىق قۇراما ەكى گول سوعىپ، تارازى باسىن تەڭەستىرىپ كەتتى.

وسىلايشا قۇرامالار 2:2 ەسەبىنە قاناعات ءبىلدىردى.

العاشقى جولداستىق كەزدەسۋىندە قازاقستاندىق فۋتزالشىلار اتالعان قارسىلاسىنا 1:4 ەسەبىمەن ەسە جىبەردى.

ايتا كەتسەك، كەزدەسۋگە دايىندىق 8- ساۋىردە استانادا باستالدى. وعان 14 ويىنشى قاتىستى.

FIFA كۇنتىزبەسىنە سايكەس ۇلتتىق قۇراما 8-16- ءساۋىر ارالىعىندا وقۋ-جاتتىعۋ جيىنىن ۇيىمداستىردى.

ەسكە سالساق، FIFA جاريالاعان فۋتزال قۇرامالارىنىڭ رەيتينگىنىڭ جاڭارتىلعان نۇسقاسىندا قازاقستان ۇلتتىق قۇراماسى جەتىنشى ورىنعا تۇراقتادى. ول بۇرىنعى ورنىنان ەكى ساتىعا تومەندەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى