FTX كريپتوۆاليۋتاسىنىڭ نەگىزىن قالاۋشى الاياقتىق بويىنشا ايىپتى دەپ تانىلدى
نيۋ- يورك فەدەرالدىق سوتىنىڭ القابيلەرى سەم بانكمان- فريدتى الاياقتىق پەن اقشا جىمقىرۋ ماقساتىندا قىلمىستىق كەلىسىم جاساعانى ءۇشىن ايىپتى دەپ تانىدى.
ەكس- ميللياردەر سوت تىڭدالىمى كەزىندە «ۇلكەن قاتەلىك» كەتكەنىن، زاڭدى ادەيى بۇزباعانىن ايتتى. Kazinform بۇل تۋرالى Euronews باسىلىمىنا سىلتەمە جاساپ حابارلايدى.
بىلتىر بانكروتقا ۇشىراعان FTX كريپتوۆاليۋتا بيرجاسىنىڭ نەگىزىن قالاعان سەم بەنكمان- فريد ايىپتاۋدىڭ بارلىق جەتى بولىگى بويىنشا، ونىڭ ىشىندە الاياقتىق پەن اقشا جىمقىرۋ ماقساتىندا قىلمىستىق كەلىسىم جاساعانى ءۇشىن كىنالى دەپ تانىلدى. 31 جاستاعى ەكس- ميللياردەر ءومىر بويىنا باس بوستاندىعىنان ايىرىلۋى مۇمكىن.
پروكۋرورلاردىڭ پىكىرىنشە، ول ينۆەستورلاردان 10 ميلليارد دوللارعا دەيىن اقشا ۇرلاۋ سحەماسىن جاساعان. القابيلەر كليەنتتەردىڭ دەپوزيتتەرى FTX باسشىسىنا تيەسىلى Alameda Research حەدج- قورىنا قارىزداردى وتەۋ جانە ءسان- سالتاناتتى جىلجىمايتىن مۇلكىن ساتىپ الۋعا جۇمسالعانىن انىقتادى.
«بۇل ا ق ش تاريحىنداعى ەڭ ءىرى قارجى الاياقتىعىنىڭ ءبىرى»، - دەپ مالىمدەدى مانحەتتەن پروكۋرورى دەميان ۋيليامس.
جازا كەلەسى جىلى ناۋرىزدا تاعايىندالادى، بەنكمان- فريد كىناسىن مويىنداعان جوق.
بۇعان دەيىن FTX كريپتوۆاليۋتا بيرجاسى ا ق ش- تا سوت پروتسەدۋراسى ارقىلى كليەنتتەرىنە اقشاسىن قايتارۋدىڭ امالىن ىزدەپ، بانكروتتىعىن جاريالاعانىن جازعان بولاتىنبىز.
