فۋتبولدان قازاقستان چەمپيوناتى 1-ناۋرىز كۇنى باستالادى
استانا. KAZINFORM - فۋتبولدان 2025-جىلعى قازاقستان چەمپيوناتىنىڭ كۇنتىزبەسى جاريالاندى.
بيىل دوپ دوداسىنا بارلىعى 14 كوماندا قاتىسادى. ولاردىڭ قاتارىندا «قايرات» (الماتى)، «استانا»، «اقتوبە»، «ورداباسى» (شىمكەنت)، «توبىل» (قوستاناي)، «ەلىماي» (سەمەي)، «اتىراۋ»، «قايسار» (قىزىلوردا)، « قىزىلجار» (پەتروپاۆل)، «جەڭىس» (استانا)، «جەتىسۋ» (تالدىقورعان)، «وقجەتپەس» (كوكشەتاۋ)، « ۇلىتاۋ» (جەزقازعان) كوماندالارى بار.
العاشقى تۋر 1-2-ناۋرىز كۇندەرى وتەدى. بۇل تۋردا « قىزىلجار» مەن «جەتىسۋ»، «استانا» مەن «قايرات»، «ورداباسى» مەن «اقتوبە»، «تۇران» مەن «وقجەتپەس»، «اتىراۋ» مەن «ەلىماي»، «قايسار» مەن «جەڭىس»، «توبىل» مەن «ۇلىتاۋ» كەزدەسەدى. سوڭعى تۋر ويىندارى 26-قازانعا بەلگىلەنگەن.
بيىل ەلىمىزدە فۋتبول شىمىلدىعىن قازاقستان سۋپەركۋبوگىنداعى «اقتوبە» مەن «قايرات» ويىنى اشادى. بۇل كەزدەسۋ «استانا-ارەنا» ستاديونىندا وتەدى.
بىلتىر قازاقستان چەمپيوناتىندا الماتىلىق «قايرات» باس جۇلدەنى جەڭىپ السا، «استانا» ەكىنشى، «ورداباسى» ءۇشىنشى ورىن الدى. قازاقستان كۋبوگىنا «اقتوبە» كومانداسى قول جەتكىزدى.
ەسكە سالساق، فۋتبولدان قازاقستان قۇراماسى 17-اقپاندا سولتۇستىك كورەيامەن جولداستىق كەزدەسۋ وتكىزەدى.
