فۋتبولدان چەمپيوندار ليگاسى 1/8 فينالىنىڭ جەرەبەسى تارتىلدى
استانا. KAZINFORM - فۋتبولدان چەمپيوندار ليگاسى 1/8 فينالىنىڭ جەرەبەسى تارتىلدى. بۇل ويىندار 4-5 جانە 10-11-ناۋرىز كۇندەرىنە بەلگىلەنگەن.
جارىستىڭ اتالعان ساتىسىندا «بريۋگگە» (بەلگيا) مەن «استون ۆيللا» (انگليا)، «بورۋسسيا دورتمۋند» (گەرمانيا) مەن «ليلل» (فرانسيا)، «رەال مادريد» (يسپانيا) پەن «اتلەتيكو مادريد» (يسپانيا)، «باۆاريا» (گەرمانيا) مەن «بايەر» (گەرمانيا)، «ارسەنال» (انگليا) مەن پ س ۆ (نيدەرلاند)، «ينتەر» (يتاليا) مەن «فەيەنوورد» (نيدەرلاند)، پ س ج (فرانسيا) مەن «ليۆەرپۋل» (انگليا)، «بەنفيكا» (پورتۋگاليا) مەن «بارسەلونا» (يسپانيا) وينايدى.
ال 8-9، 15-16 -ءساۋىر كۇندەرى شيرەك، 29-30 -ءساۋىر، 6-7 -مامىردا جارتىلاي فينال وتكىزىلەدى.
فينال 31 -مامىردا گەرمانيانىڭ ميۋنحەن قالاسىنداعى «اليانتس- ارەنا» ستاديونىندا بولادى.
بيىل چەمپيوندار ليگاسى جاڭا ەرەجە بويىنشا وتكىزىلىپ جاتىر. جالپى كەزەڭدە 32 كوماندا سىنعا ءتۇستى. العاشقى سەگىز ورىنعا يە بولعان كوماندالار بىردەن 1/8 فينالعا شىقسا، 9-24 -ورىنعا تابان تىرەگەن ۇجىمدار پلەي- وفف ساتىسىنا جولداما الدى.
اۆتور
ءادىلجان ۇمبەت
