فۋتبول ماتچىنداعى جاپپاي توبەلەستەن 56 ادام كوز جۇمدى
استانا. KAZINFORM - گۆينەيانىڭ وڭتۇستىك-شىعىس بولىگىندە فۋتبول ماتچىنداعى جاپپاي توبەلەس كەزىندە 56 ادام قازا تاپتى.
بۇل تۋرالى Reuters اگەنتتىگى ۇكىمەتتىڭ مالىمدەمەسىنە سىلتەمە جاساي وتىرىپ حابارلادى، دەپ جازادى Report.
وقيعا ەلدەگى ەڭ ۇلكەن ستاديونداردىڭ ءبىرى سانالاتىن نزەرەكور قالاسىنداعى ستاديوندا گۆينەيا اسكەري قولباسشىسى مامادي دۋمبۋياعا ارنالعان تۋرنيردىڭ فينالدىق ماتچى كەزىندە بولدى.
- تورەشىلەردىڭ داۋلى شەشىمى كورەرمەندەر اراسىندا دۇربەلەڭ تۋدىرىپ، توبەلەسكە ۇلاستى، - دەلىنگەن اقپاراتتا.
كەيبىر جانكۇيەرلەر تاس لاقتىرا باستادى، بۇل ستاديونداعى حاوستى كۇشەيتتى، دەپ قوستى بيلىك وكىلدەرى.
گۆينەيا ۇكىمەتى وقيعانى جان-جاقتى تەكسەرۋگە ۋادە بەردى.
ايتا كەتەيىك، بۇعان دەيىن گۆينەياداعى ستاديونداعى جاپپاي توبەلەستە ونداعان ادام قازا تاپقانىن جازعان ەدىك.
