فرانسيانىڭ بارلاۋ قىزمەتى پاريجدە وتەتىن وليمپيادانىڭ اشىلۋ سالتاناتىنان باس تارتۋدى ۇسىندى
پاريج. KAZINFORM - فرانسيانىڭ ىشكى قاۋىپسىزدىك باسقارماسى (DGSI) رەسپۋبليكانىڭ ىشكى ىستەر مينيسترلىگىنە وليمپيادا ويىندارىنىڭ اشىلۋ سالتاناتىن وزەندە وتكىزۋدەن باس تارتۋدى جانە قاۋىپسىزدىك ءۇشىن «В»جوسپارىنا كوشۋدى ۇسىندى، دەپ حابارلادى ت ا س س.
ماسكەۋ تۇبىندەگى كروكۋس سيتي حوللدا جاسالعان لاڭكەستىك ارەكەتتەن كەيىن فرانسياداعى لاڭكەستىك قاۋىپ دەڭگەيى بارىنشا جوعارىلادى. فرانسۋز بارلاۋ قىزمەتى ورتالىق ازيادان كەلگەندەرگە تەكسەرىستى كۇشەيتتى.
بۇعان دەيىن فرانسيا قۇرلىق اسكەرى باس شتابىنىڭ باستىعى پەر شيل فرانسيا پاريجدەگى وليمپيادا ويىندارىن كۇزەتۋ ءۇشىن پايدالانىلاتىن اسكەري كونتينگەنتتى 20 مىڭ ادامعا دەيىن ارتتىراتىنىن حابارلاعان. ول ەلدىڭ بارلىق اۋماعىنداعى وليمپيادا الاۋىن جاعۋشىلاردى اسكەريلەر كۇزەتىپ جۇرەتىنىن ايتتى.
اۆتور
ەركەجان سماعۇلوۆا
