فرانسيادا ۋكرايناعا قاتىستى سامميت 27-ناۋرىزدا وتەدى - ماكرون
استانا. KAZINFORM - فرانسيا پرەزيدەنتى ەممانيۋەل ماكرون بريۋسسەلدەگى ە و سامميتىنىڭ العاشقى كۇنىنەن كەيىن بىرنەشە ەل باسشىلارىنىڭ ۋكراينا توڭىرەگىندەگى جاعدايدى تالقىلاۋ ءۇشىن 27-ناۋرىزدا پاريجدە كەزدەسەتىنىن مالىمدەدى، دەپ حابارلايدى ت ا س س.
- كەلەسى بەيسەنبىدە ءبىز پاريجدە ۋكرايناعا كومەك كورسەتۋگە نيەتتى ەلدەر كواليتسياسىنىڭ ءسامميتىن وتكىزەمىز، - دەدى ماكرون
Bloomberg مالىمەتىنشە، گەرمانيا، فرانسيا جانە پولشا سياقتى ە و- نىڭ جەتەكشى ەلدەرى، سونداي-اق كانادا مەن ۇلى بريتانيا (ە و قۇرامىنا كىرمەيتىن مەملەكەتتەر) كەلەسى اپتادا پاريجدە جاڭا سامميت وتكىزەدى.
بۇل ەلدەر 20-ناۋرىزدا بريۋسسەلدە وتكەن سامميتتە باستالعان تالقىلاۋدى جالعاستىرادى.
كۇن تارتىبىندە - ا ق ش پەن رەسەي اراسىنداعى ۋكراينا بويىنشا كەلىسسوزدەرگە ىقپال ەتۋ مۇمكىندىكتەرى جانە، ەڭ ءتيىمدى جاعىنان ولارعا قاتىسۋ جولدارىن قاراستىرۋ ماسەلەلەرى تۇر.
ايتا كەتەيىك، بۇعان دەيىن ا ق ش بيلىگىنىڭ وكىلدەرى رۋبيو مەن ۆالس ۋكرايناداعى اتىستى توقتاتۋ تۋرالى كەلىسسوزدەر جۇرگىزۋ ءۇشىن تاياۋ شىعىسقا باراتىنىن جازدىق.
