فرانسيا سىرتقى ىستەر مينيسترلىگى مارسەلدەگى رەسەي كونسۋلدىعى ماڭىندا بولعان جارىلىسقا تۇسىنىك بەردى
استانا. KAZINFORM - فرانسيا سىرتقى ىستەر مينيسترلىگى دۇيسەنبى كۇنى تاڭەرتەڭ رەسەيدىڭ مارسەلدەگى باس كونسۋلدىعىنا جاسالعان شابۋىلدى ايىپتادى، دەپ حابارلايدى Kazinform.
بۇل تۋرالى ۆەدومستۆونىڭ باسپا ءسوز قىزمەتى ت ا س س اگەنتتىگىنىڭ سۇرانىسىنا جاۋاپ رەتىندە مالىمدەدى.
- فرانسيا ديپلوماتيالىق وكىلدىكتەردىڭ قاۋىپسىزدىگىنە جاسالعان كەز كەلگەن شابۋىلدى ايىپتايدى، - دەپ حابارلادى رەسپۋبليكانىڭ سىرتقى ىستەر مينيسترلىگى.
ۆەدومستۆو بارلىق ديپلوماتيالىق وكىلدىكتەردىڭ ۆەنا كونۆەنتسيالارى بويىنشا ديپلوماتيالىق جانە كونسۋلدىق قاتىناستارعا سايكەس قورعالاتىنىن اتاپ ءوتتى، «فرانسيا ولاردى تولىق كولەمدە ورىنداۋعا بەرىك نيەتتى».
- ديپلوماتيالىق جانە كونسۋلدىق عيماراتتار مەن ولاردىڭ پەرسونالدارىنىڭ قاۋىپسىزدىگى جانە تۇتاستىعى حالىقارالىق قۇقىقتىڭ نەگىزگى ەرەجەلەرىنە جاتادى، - دەپ قوستى مينيسترلىكتىڭ باسپا ءسوز قىزمەتى.
دۇيسەنبى كۇنى، 24-اقپاندا تاڭەرتەڭ فرانسياداعى رەسەي كونسۋلدىعى جانىندا جارىلىس بولعان ەدى. ء بىراق عيماراتقا زاقىم كەلتىرىلمەدى. زارداپ شەككەندەر جوق.
كونسۋلدىق 8-اۋدانداعى امبرۋاز-پارە اۋماعىندا ورنالاسقان. وكرۋگتە باسقا دا كونسۋلدىقتار، سونىڭ ىشىندە ەگيپەت، تۋنيس، ارمەنيا، سان-تومە مەن پرينسيپي كونسۋلدىقتارى بار. وقيعا ورنىندا وتىزعا جۋىق ءورت ءسوندىرۋشى مەن پوليتسيا قىزمەتكەرى بار.
وقيعا ورنىنان ۇرلانعان كولىك تابىلدى.
