فرانسيا ماسكەۋدەگى تەراكتىدەن كەيىن لاڭكەستىك قاۋىپتىڭ جوعارى دەڭگەيىن ەنگىزدى
فرانسيا. KAZINFORM - فرانسۋز ۇكىمەتى ماسكەۋدەگى جۇما كۇنى بولعان تەراكتىدەن كەيىن ەلگە ءتونىپ تۇرعان ىقتيمال قاۋىپتەرگە بايلانىستى ەلدىڭ ۇلتتىق تەررورلىق دابىل جۇيەسىنىڭ ەڭ جوعارى دەڭگەيىن ىسكە قوسۋ تۋرالى شەشىم قابىلدادى، دەپ حابارلادى شينحۋا اگەنتتىگى.
فرانسيا پرەزيدەنتى ەممانۋەل ماكرون ماسكەۋدەگى تەراكتىدەن كەيىن جەكسەنبى كۇنى كەشكە ەليسەي سارايىندا قورعانىس جانە قاۋىپسىزدىك ماسەلەلەرى بويىنشا كەڭەس وتكىزدى، دەپ جازدى ەلدىڭ پرەمەر- ءمينيسترى گابريەل اتتال ح الەۋمەتتىك جەلىسىندە.
«دايش تاراپىنان بولۋى مۇمكىن شابۋىل مەن ەلىمىزگە ءتونىپ تۇرعان قاۋىپتى ەسكەرە وتىرىپ، ءبىز ۆيگيپيرات دەڭگەيىن ەڭ جوعارى دەڭگەيگە دەيىن كوتەرۋ تۋرالى شەشىم قابىلدادىق، ويتكەنى شابۋىل قاۋپى وتە جوعارى»، - دەپ جازدى گ. اتتال.
جۇما كۇنى ماسكەۋ تۇبىندەگى كراسنوگورسك قالاسىنداعى Crocus City Hall عيماراتىندا بولعان تەراكت سالدارىنان كەم دەگەندە 137 ادام قازا تاپتى. رەسەي پرەزيدەنتى ۆلاديمير پۋتين سەنبى كۇنى تەلەديدار ارقىلى حالىققا ۇندەۋىندە 24 -ناۋرىزدى ۇلتتىق ازا تۇتۋ كۇنى دەپ جاريالادى.
