فرانسيا بالقاشتىڭ ەكولوگيالىق جاعدايىن زەرتتەۋگە گرانت ءبولۋى مۇمكىن
استانا. KAZINFORM - ۇلتتىق ەكونوميكا ۆيتسە- ءمينيسترى ارمان قاسەنوۆ فرانسۋز دامۋ اگەنتتىگىنىڭ قازاقستان اۋماعىنداعى بىرنەشە زەرتتەۋ جۇمىستارىنا گرانت بولەتىنىن ايتتى.
- ءبىرىنشى گرانت - دەنساۋلىق ساقتاۋ سالاسىنداعى گرانت. بۇل گرانت قازىرگى كۇندە ماقۇلدانعان. ەكىنشى گرانت - حالىقارالىق ارالدى قۇتقارۋ قورىنا بەرىلەتىن گرانت. بۇل گرانت تا ماقۇلدانعان. ءۇشىنشى گرانت - سۋ شارۋاشىلىعى سالاسىنداعى گرانت. ونىڭ ماقساتى - بالقاش كولىنىڭ شەڭبەر پلانىن ازىرلەۋ. قازىرگى تاڭدا سۋ رەسۋرستارى جانە يرريگاتسيا مينيسترلىگى مەن فرانسۋز دامۋ اگەنتتىگى اراسىندا بەلسەندى تالقىلاۋ جۇرگىزىلىپ جاتىر. سوندىقتان بۇل گرانت ءالى ماقۇلدانعان جوق. ياعني، ءۇش گرانتتىڭ ەكەۋى ماقۇلداعان، - دەدى ول سەنات وتىرىسىندا.
كەلىسىمنىڭ ەرەجەسى بويىنشا بۇل گرانتتار زەرتتەۋلەرگە باعىتتالادى جانە ول زەرتتەۋلەرگە فرانتسۋز ساراپشىلارى تارتىلادى. كەيبىر گرانتتارعا قازاقستاندىق ساراپشىلار دا تارتىلۋى مۇمكىن.
ايتا كەتۋ كەرەك، بۇل گرانتتار قازاقستان جانە فرانسيا ۇكىمەتتەرىنىڭ فرانتسۋز دامۋ اگەنتتىگى ارقىلى ىنتىماقتاستىقتى دامىتۋعا ارنالعان كەلىسىمى اياسىندا بولىنەدى.
اگەنتتىك بالقاش ماسەلەسىنە 1,3 ميلليون ەۋرو بولۋگە نيەتتى.
بۇعان دەيىن قازاقمىس كومپانياسى بالقاشتىڭ ەكوجۇيەسىن ساقتاۋعا 5 ميلليون دوللار بولەتىنى حابارلاندى.
