فەنيكس پەن قاراتورعاي: گۋنن لينن مەن ديماشتىڭ ورىنداۋىنداعى مادەنيەتتەر توعىسى
استانا. KAZINFORM - كەشە قىتايدىڭ BRTV تەلەارناسىندا ديماش قۇدايبەرگەن مەن قىتايلىق ءانشى گۋنن ليننىڭ قاتىسۋىمەن «最美中轴线 Singing for the Central Axis of Beijing» جوباسى جارىق كوردى.
بۇل جايىندا Kazinform اگەنتتىگى dimashnews.com سايتىنا سىلتەمە جاساپ حابارلايدى.
باعدارلاما 2024-جىلدىڭ سوڭىندا جازىلىپ، ارتىستەر بەيجىڭدەگى جەر حرامىندا جانە بەيجىڭ چجەنيچي وپەرا تەاترىندا بولدى.
ديماش پەن گۋنن لينن وزدەرىنىڭ مادەنيەتارالىق ساياحاتتارىنىڭ سوڭىندا بىرەگەي ۆوكالدىق ەكسپەريمەنت ۇسىنىپ، قىتاي جانە قازاق تىلدەرىندەگى «فەنيكس» جانە «قاراتورعاي» اندەرىن بىرىكتىردى.
قازاقتىڭ ءداستۇرلى اسپابى قوبىز بەن قىتايدىڭ ۇرمەلى شەن اسپابىنىڭ سۇيەمەلدەۋىمەن تانگۋ باراباندارىنىڭ ىرعاقتى ءۇنى اياسىندا ارتىستەر ءوز ەلدەرىنىڭ اڭىزعا اينالعان تاريحىن اۋەن ارقىلى جەتكىزدى.
گۋنن لينن رەپەرتۋارىنداعى ەجەلگى قىتاي ءماتىنى نەگىزىندە جازىلعان «Phoenix» ءانى يمپەراتور فەنيكستىڭ ءومىرىن باياندايدى. ال قازاقتىڭ «قاراتورعاي» ءانى تىكەلەي اۋدارعاندا «قاراتورعاي» دەگەن ماعىنانى بىلدىرەدى.
«قاراتورعاي» ءانىنىڭ اۆتورى — اقان سەرى. ول بالاپان كەزىندە باققان بۇركىتىنە «قاراتورعاي» دەپ ات قويعان.
