Fly Arystan دى AirAstana دان بولەك شىعارۋ ۇسىنىسى نەگە كەشىگىپ جاتىر
استانا. KAZINFORM - باسەكەلەستىكتى قورعاۋ جانە دامىتۋ اگەنتتىگى ءتوراعاسىنىڭ ءبىرىنشى ورىنباسارى رۋستام احمەتوۆ Fly Arystan دى AirAstana دان بولەك شىعارۋ ۇسىنىسى نەگە كەشىگىپ جاتقانىن ءتۇسىندىردى.
- AirAstana نىڭ Fly Arystan بولىمشەسىنە كەلسەك، ءيا، ءبىز ونى بولەك شىعارۋدى ۇسىنعانبىز. ءبىراق قازىر ونداي شەشىم قابىلدانعان جوق. قازىر نارىققا قوسىلعان جاڭا ويىنشىنىڭ كەلۋى نارىققا قالاي اسەر ەتەتىنىن باقىلاپ وتىرمىز. وسى تالداۋدىڭ قورىتىندىسى بويىنشا باعا باسەكەسى تۋىنداماسا، باسقا شارالاردى ۇسىنامىز، - دەدى اگەنتتىك ءتوراعاسىنىڭ ورىنباسارى.
ونىڭ ايتىپ وتىرعان جاڭا ويىنشىسى - قاتارلىق ينۆەستور.
- ازاماتتىق اۆياتسيا بويىنشا ايتساق، ءيا، ءبىز نارىقتىڭ مونوپولياندىرۋ ءجۇرىپ جاتقانىن كورىپ وتىرمىز. AirAstana قازىر بۇل نارىقتىڭ %55 ىن الىپ وتىر. سايكەسىنشە باعا باسەكەسىنىڭ ستيمۋلدارى السىرەيدى. مۇنداعى نەگىزگى شەشىم - تاۋارلار نارىعىن مونوپولياسىزداندىرۋ. Qazaq Air اكتيۆىن ساتۋ ۇسىنىسىن قولدادىق. قازىر بۇل نارىققا قاتارلىق ينۆەستور كىرىپ جاتىر. ول ينۆەستور بورت سانىن ارتتىرۋعا ينۆەستيتسيا سالۋعا مىندەت الىپ وتىر. بۇل نارىقتاعى ويىنشىلاردىڭ اراسىندا باعا باسەكەسىن تۋىنداتۋ كەرەك، - دەدى رۋستام احمەتوۆ.
ەسكە سالساق، بىلتىر جىل باسىندا «سامۇرىق- قازىنا» FlyArystan اۋە كومپانياسى Air Astana دان ءبولىنىپ شىققانىن مالىمدەگەن ەدى.
