FIFA قازاقستاننىڭ فۋتبول فەدەراتسياسىنا 1,5 ميلليون دوللار كولەمىندە كومەك بەرەدى

بۇل جونىندە ۇيىمنىڭ باسپا ءسوز قىزمەتى ءمالىم ەتتى، دەپ حابارلايدى Sports.kz.

وسى باعدارلاما اياسىندا FIFA- عا مۇشە بارلىق قاۋىمداستىققا، ونىڭ ىشىندە قازاقستاننىڭ فۋتبول فەدەراتسياسىنا دا كومەك كورسەتىلەدى.

ۇيىمعا كىرەتىن 211 قاۋىمداستىقتىڭ ءارقايسىسى 1 ميلليون دوللار كولەمىندە بىرەگەي گرانت الادى، سونىمەن قاتار ايەلدەر فۋتبولىن دامىتۋعا قوسىمشا 500 مىڭ دوللاردان قاراستىرىلعان.

ال التى كونفەدەراتسيا 2 ميلليون دوللاردىڭ گرانتىنا يە بولادى. ودان بولەك، ءاربىر حالىقارالىق قاۋىمداستىق 500 مىڭنان باستاپ 5 ميلليون دوللارعا دەيىنگى نەسيەگە ءوتىنىم بەرە الادى.

تەك ونىڭ سوماسى قاۋىمداستىقتىڭ جىلدىق تابىسىنىڭ 35 پايىزىنان اسپاۋى كەرەك.

كونفەدەراتسيالارعا دا 4 ميلليون دوللار كولەمىندە كرەديت ۇسىنىلادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى