Facebook مەديتسينالىق ماسكانى جارنامالاۋعا تىيىم سالدى
بۇل تۋرالى Facebook ونىمدەر مەنەدجمەنتى ءبولىمىنىڭ باسشىسى روب لەتەرن Twitter دەگى پاراقشاسىندا ءمالىم ەتتى.
«ءبىز بەتكە ارنالعان مەديتسينالىق ماسكالاردى ساتۋ تۋرالى جارنامالار مەن كوممەرتسيالىق حابارلامالارعا تىيىم سالامىز. Covid-19 ۆيرۋسىنىڭ تارالۋىن مۇقيات قاداعالايمىز جانە وسى توتەنشە جاعدايدى پايدالانىپ كەتۋگە تىرىساتىن ادامداردى كورسەك، ساياساتىمىزدى وزگەرتىپ وتىرامىز. ءبىز كەلەسى كۇن ىشىندە وسى شەشىمدى ورىنداۋدى باستايمىز»، - دەلىنگەن حابارلامادا.
ەسكە سالا كەتسەك، بەتپەردە تاپشىلىعى ماسەلەسى بويىنشا دەنساۋلىق ساقتاۋ ءمينيسترى ەلجان ءبىرتانوۆ تۇسىنىكتەمە بەرگەن ەدى. ونىڭ ايتۋىنشا، مەديتسينالىق ماسكا بويىنشا وتاندىق وندىرۋشىلەر تاۋلىك بويى جۇمىس جۇرگىزىپ جاتىر. الايدا ينفەكسيا قاۋپىنە بايلانىستى وعان سۇرانىس تا ارتقان.
ق ر د س م «دارىلىك زاتتار مەن مەديتسينالىق بۇيىمداردى ساراپتاۋ ۇلتتىق ورتالىعىنىڭ» باس ديرەكتورى ارنۇر نۇرتايەۆتىڭ مالىمدەۋىنشە، ەلىمىزدە ءبىر ادامعا 10 دانادان ارتىق مەديتسينالىق ماسكا ساتىلماۋى مۇمكىن.
