شىمكەنتتە دارىگەرلەردى ۇرماق بولعان ەر ادام قاماۋعا الىندى
شىمكەنتتە دارىگەرلەردى ۇرماق بولعان ەر ادام قاماۋعا الىندى، دەپ حابارلايدى قازاقپارات ءتىلشىسى.
الەۋمەتتىك جەلىدە جەدەل جاردەم قىزمەتكەرلەرىنە شابۋىل جاساپ، قول جۇمساماق بولعان ەر ادامنىڭ ۆيدەوسى تارادى.
وندا كۇدىكتىنى جەدەل جاردەم قىزمەتكەرلەرى كۇشتەپ ۇستاپ تۇرعانىن كورۋگە بولادى. ال، ەر ادام كوپشىلىككە باعىنباي بەيادەپ سوزدەر ايتىپ، ءتىپتى دارىگەرلەرگە كۇش قولدانباق بولعان.
اتالعان وقيعاعا قاتىستى پىكىر بىلدىرگەن شىمكەنت قالاسى پوليتسيا دەپارتامەنتىنىڭ باسپا ءسوز قىزمەتى قۇقىق بۇزۋشىنىڭ ۇستالعاندىعىن مالىمدەدى.
«20-قىركۇيەك كۇنى كەشكە ءال-فارابي اۋداندىق پوليتسيا باسقارماسىنىڭ 102 ارناسىنا قالاداعى مەديتسينالىق مەكەمەلەردىڭ بىرىنەن شاقىرتۋ كەلىپ ءتۇستى. جەدەل جاردەممەن جەتكىزىلگەن ناۋقاسقا العاشقى مەديتسينالىق كومەك كورسەتۋ كەزىندە مەدقىزمەتكەرلەرگە شابۋىل جاساعان. قۇقىق بۇزۋشى ۇستالدى. ساراپتاما تاعايىندالدى، ونىڭ قورىتىندىسى بويىنشا ق ر-نىڭ زاڭناماسى اياسىندا ءتيىستى شارا قابىلدانادى»، - دەلىنگەن ۆەدومستۆو ۇسىنعان اقپاراتتا.
