شىمكەنتتە بيىلعى العاشقى ۇشەم دۇنيەگە كەلدى

بيىلعى العاشقى ۇشەمدەر مەن اناسىن دارىگەرلەر بۇگىن پەرزەنتحانادان سالتاناتتى تۇردە شىعارىپ سالدى.

شىمكەنتتىڭ 22 جاستاعى تۇرعىنى جاميليا 2 ۇل، 1 قىزدى دۇنيەگە اكەلدى. نارەستەلەردىڭ سالماعى 2770، 2410 جانە 2095 گرام بولدى. باتىر اناعا دارىگەرلەر كەسار تىلىگى ارقىلى وتا جاساپ، بوساندىرىپ العان. قازىرگى تاڭدا مەرزىمىنەن بۇرىن تۋعان سابيلەردىڭ جاعدايى ءبىرقالىپتى. بۇل - شىمكەنتتىك باتىر انانىڭ تۇڭعىش سابيلەرى.

مەرزىمىنەن بۇرىن دۇنيە ەسىگىن اشقان نارەستەلەرگە جانساقتاۋ ءبولىمىنىڭ ماماندارى تاراپىنان ەرەكشە كۇتىم جاسالدى.

ايتا كەتەيىك، 2024-جىلى شىمكەنتتە 28936 ءسابي دۇنيەگە كەلگەن - 14837 ۇل بالا جانە 14099 قىز بالا.

بۇعان دەيىن 56 جاستاعى شىمكەنت تۇرعىنى بالاسىنا ءبىر بۇيرەگىن بەرگەنىن جازعان بولاتىنبىز.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى