شىمكەنتتە بالالى كەلىنشەك تەلەفونىن الا قاشقان ۇرىنى ۇرىپ جىقتى - ۆيدەو
شىمكەنت پوليتسياسى بالالى ايەلدىڭ تەلەفونىن ۇرلاماق بولعان ەر ادامدى ىزدەستىرىپ جاتىر، دەپ حابارلايدى Kazinform.
تەلەفون ۇرلاماق بولعان ەر ادام مەن بالالى ايەلدىڭ توبەلەسكەن ءساتى كوشەدەگى بەينەباقىلاۋ كامەراسىنا ءتۇسىپ قالعان.
كەيىن ول ۆيدەو الەۋمەتتىك جەلىدە تاراپ كەتتى.
وقيعا 16-مولتەكاۋدانداعى كوپقاباتتى تۇرعىن ۇيلەردىڭ اۋلاسىندا بولعان.
كەلىنشەك بالاسىنا قاراپ تۇرعان ساتتە كۇدىكتى كەلىپ، شالبارىنىڭ ارتقى قالتاسىنداعى تەلەفونىن الا قاشقان.
ارتىنان قۋىپ جەتكەن كەلىنشەك ۇرىنى تارتىپ قۇلاتىپ، تەلەفونىن قايتىپ الادى. سول ساتتە كوشەدە تۇرعان كورشىلەر دە كومەككە كەلگەن.
جابىرلەنۋشى پوليتسياعا ارىز تاستاماعان.
دەگەنمەن شىمكەنتتىك ءتارتىپ ساقشىلارى اتالعان وقيعاداعى كۇدىكتىنى ىزدەستىرىپ جاتىر.
«ۆيدەودا كورسەتىلگەن وقيعا 24-قازان كۇنى 16:30 شاماسىندا شىمكەنت قالاسىندا بولعان. اتالعان فاكتى ءال-فارابي اۋداندىق پوليتسيا بولىمىندە قىلمىستىق كودەكستىڭ 24-بابىنىڭ 3-بولىگى، 191-بابىنىڭ 2-بولىگى بويىنشا تىركەلدى. بۇل فاكتى بويىنشا قۇقىق قورعاۋ ورگاندارىنا ەشكىم جازباشا ارىز بەرگەن جوق. قازىرگى ۋاقىتتا كۇدىكتىنىڭ جەكە باسىن انىقتاۋ بويىنشا جەدەل ىزدەستىرۋ شارالارى جۇرگىزىلىپ جاتىر» دەلىنگەن شىمكەنت قالاسى پوليتسيا دەپارتامەنتىنىڭ باسپا ءسوز قىزمەتى تاراتقان اقپاراتتا.
Посмотреть эту публикацию в Instagram
