شىمكەنت پوليتسياسى 4 جاسار قىزدىڭ ءولىمى تۋرالى اقپاراتتى جوققا شىعاردى
شىمكەنت. KAZINFORM - شىمكەنتتە 4 جاسار قىزدىڭ زورلانىپ، ايۋاندىقپەن ولتىرىلگەنى تۋرالى اقپاراتتى پوليتسيا جوققا شىعاردى.
ءبۇلدىرشىننىڭ ءولىمى تۋرالى اقپارات «نە مولچي» قورىنا كەلىپ تۇسكەن.
بۇل تۋرالى قوردىڭ نەگىزىن قالاۋشى دينا ءتاڭسارى جەلى پاراقشاسىندا جازدى.
ونداعى جازباعا سۇيەنسەك، بەلگىسىز ادام ءبۇلدىرشىندى زورلاپ، كەيىن دەنەسىن بولشەكتەپ ولتىرگەن.
قالالىق پوليتسيا دەپارتامەنتى تەك رەسمي اقپارات كوزدەرىنە سەنۋگە شاقىردى.
«شىمكەنت قالاسىندا 4 جاسار قىزدىڭ زورلانعانى تۋرالى اقپارات شىندىققا جاناسپايتىنىن حابارلايمىز. پوليتسيا دەپارتامەنتى جالعان اقپارات تاراتقانى ءۇشىن قىلمىستىق جانە اكىمشىلىك جاۋاپكەرشىلىككە تارتىلاتىنىن ەسكەرتەدى. ءبىز ازاماتتاردان تەك رەسمي اقپارات كوزدەرىنە سەنۋلەرىن سۇرايمىز»، - دەدى قالالىق پوليتسيا دەپارتامەنتىندەگىلەر.
