«شىمبۇلاقتا» سىرعاناۋ ماۋسىمى جابىلادى
الماتى. KAZINFORM - «شىمبۇلاق» تاۋ كۋرورتىنىڭ باسپا ءسوز قىزمەتى قىسقى ماۋسىم 13-ساۋىردە جابىلاتىنىن حابارلادى.
سونداي-اق تاۋ كۋرورتىنىڭ مالىمەتىنە سايكەس، جازعى ماۋسىم الدىندا اسپالى ارقان جولدارعا پروفيلاكتيكالىق جۇمىستار جۇرگىزىلەدى.
- 2025-جىلدىڭ 12-مامىرىنان 31-مامىرىنا دەيىن اسپالى ارقان جولدار پروفيلاكتيكاعا جابىق بولادى. بۇل ۋاقىتتا كۋرورت جۇمىس ىستەمەيدى. كۋرورتقا كەلۋدى جوسپارلاعاندا وسى اقپاراتتى ەسكەرىڭىزدەر، - دەپ حابارلادى «شىمبۇلاقتان».
بۇعان دەيىن شىمبۇلاقتا جاساندى جولمەن قار كوشكىنى تۇسىرىلگەنىن جازعانبىز.
ەسكە سالايىق، «مەدەۋ» مۇز ايدىنى وسى سىرعاناۋ ماۋسىمىنان كەيىن بىرنەشە جىلعا جابىلادى.
