شىمبۇلاققا شىعاتىن بيلەت قۇنى نەگە قىمباتتادى

ايتۋلارىنشا، بۇل وزگەرىستەردى تاۋ بوكتەرىندەگى جۇكتەمەنى رەتتەۋ، ينفراقۇرىلىمدى جاقسارتۋ جانە قاۋىپسىزدىكتى قامتاماسىز ەتۋ قاجەتتىلىگىمەن تۋىنداعان.

وسى ماۋسىمدا شىمبۇلاق تاۋ كۋرورتىندا جاڭا باعا جۇيەسى ەنگىزىلىپ جاتىر. ەندى ەرەسەكتەر ءۇشىن تولىق كۇندىك شاڭعى بيلەتىنىڭ قۇنى اپتانىڭ كۇنىنە قاراماستان 17500 تەڭگە (15 جاستان اسقان ادامدار ءۇشىن تولىق كۇندىك بيلەت). بۇعان دەيىن باعا ايتارلىقتاي تومەن بولدى: جۇمىس كۇندەرى 7600 تەڭگە، دەمالىس كۇندەرى 11400 تەڭگە ەدى.

- شىمبۇلاق تاۋ كۋرورتى قوناقتارىمىزدىڭ قاۋىپسىزدىگى مەن جايلىلىعىنا باعىتتالعان ديناميكالىق باعا جۇيەسىن ەنگىزىپ جاتىر. سكيپاسستار باعاسىنداعى وزگەرىستەر تراسسالاردىڭ جۇكتەمەسىن باقىلاۋعا، ينفراقۇرىلىمدى جاقسارتۋعا جانە بەتكەيدەگى ورىن الۋى مۇمكىن قاۋىپتى جاعدايلاردىڭ الدىن الۋعا مۇمكىندىك بەرەدى، - دەپ اتاپ ءوتتى اكىمشىلىكتەن.

كۋرورت ستاتيستيكاسىنىڭ كورسەتۋىنشە، جاراقات الۋ قاۋپى ەڭ كوپ سانات - 18-30 جاس ارالىعىنداعى قوناقتار. 2023-2024 ماۋسىمدا 18-30 جاس ارالىعىنداعى ادامدار اراسىندا 283 جاراقات الۋ جاعدايى بولعان. جالپى جاپا شەككەندەر سانى 506 ادام، ول وسى كۇنگە دەيىنگى جالپى جاپا شەككەندەر سانىنىڭ 47 پايىزى. ولاردىڭ 99 ى شاڭعىشى، 184 ادام سنوۋبوردشى.

- قازىرگى ۋاقىتتا كۋرورت قىزمەتىن رەگلامەنتتەپ، بۇزۋشىلارعا قاتىستى ايىپپۇل شارالارىن قولدانۋعا مۇمكىندىك بەرەتىن اكىمشىلىك زاڭ جوق. ول بەتكەيدەگى بۇزۋشىلىقتارمەن كۇرەستى قيىنداتىپ، قوناقتارعا قوسىمشا قاۋىپ توندىرەدى. دەگەنمەن، سكيپاسستار باعاسىنىڭ ءوسۋى قازىردىڭ وزىندە جۇيەلى تۇردە ەرەجە بۇزىپ، قاۋىپتى جاعدايلار تۋىنداتاتىن ادامدار سانىن ازايتۋعا كومەكتەسىپ جاتىر. سىرعاناۋ مادەنيەتىن جاقسارتۋ. ديناميكالىق باعا قالىپتاستىرۋدى ەنگىزگەننەن باستاپ سىرعاناۋ ەرەجەلەرىن جۇيەلى تۇردە بۇزاتىن قوناقتار سانى ازايعانى بايقالادى، - دەپ ءتۇسىندىردى دەمالىس ورنىنان.

سوڭعى جىلدارى كۋرورتقا كەلۋشىلەر سانى ايتارلىقتاي ارتىپ، جىلىنا 1,5 ميلليون ادامعا جەتتى، ول وتكىزۋ قابىلەتىن ءۇش ەسەگە ارتتىرادى. ول مىنالارعا ەلەۋلى اسەر ەتەدى:

- ينفراقۇرىلىمنىڭ توزۋى، ونىڭ ىشىندە: كوتەرگىشتەر، تراسسالار جانە قارمەن قامتۋ جۇيەلەرى؛

- قوسىمشا شارالار مەن شىعىنداردى تالاپ ەتەتىن شارا-قوناقتاردىڭ قاۋىپسىزدىگىن قامتاماسىز ەتۋ؛

- قىزمەت كورسەتۋشى ينفراقۇرىلىمدى ارتتىرۋ (جاڭا دارەتحانالار سالۋ، بار قىزمەتتەردى جانە سايكەس ينفراقۇرىلىمدى كەڭەيتۋ).

- شىمبۇلاق كۋرورتى بارلىق ساناتتاعى ازاماتتارعا دەمالىستى قولجەتىمدى ەتە وتىرىپ، الەۋمەتتىك باستامالاردى بەلسەندى تۇردە قولدايدى. بيىل الەۋمەتتىك باعدارلاما اياسىندا 110 مىڭنان استام قوناق كۋرورتقا تەگىن كىرە الدى.

نەگىزگى الەۋمەتتىك قولداۋ شارالارى:

— زەينەتكەرلەر مەن 5 جاستاعى جانە 5 جاسقا دەيىنگى بالالاردى تەگىن كىرگىزۋ؛

— تۇرعىنداردىڭ قوزعالىسى شەكتەۋلى توبىنا جەڭىلدىكتەر؛

— 5 جاستاعى جانە 5 جاسقا دەيىنگى بالالارعا شىمبۇلاق جانە وي قاراعاي كۋرورتتارىنىڭ بىرىكتىرىلگەن ماۋسىمدىق سكيپاسستارىن تەگىن بەرۋ.

ايتا كەتەيىك، بۇدان بۇرىن شىمبۇلاقتا قىسقى ماۋسىم 7-جەلتوقسان كۇنى اشىلاتىنى ايتىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى