شىعىس قازاقستاندا زاڭعا قايشى 3 مىڭنان استام سايت بۇعاتتالدى
وسكەمەن. KAZINFORM - شىعىس قازاقستان وبلىسىنىڭ پوليتسەيلەرى ەسىرتكى زاتتارىن ۇسىناتىن جانە پورنوگرافيالىق سيپاتتاعى سايتتاردى بۇعاتتاپ جاتىر.
ش ق و پوليتسيا دەپارتامەنتى باسپا ءسوز قىزمەتىنىڭ حابارلاۋىنشا، بيىل بۇل باعىتتاعى جۇمىستار ءبىرشاما كۇشەيتىلدى.
كامەلەتكە تولماعانداردىڭ قۇقىقتارىن قورعاۋ جانە زاڭعا قايشى كونتەنتپەن كۇرەسۋ ماقساتىندا پوليتسەيلەر ينتەرنەت كەڭىستىكتى بەلسەندى تۇردە قاداعالاپ كەلەدى. وتكەن جىلى تىيىم سالىنعان اقپاراتتى تاراتقان 1770 سايت انىقتالىپ، بۇعاتتالدى. بۇعاتتالعانداردىڭ ىشىندە ەسىرتكى زاتتارىن ۇسىناتىن، سۋيتسيدتى ناسيحاتتايتىن، پورنوگرافيالىق سيپاتتاعى ماتەريالدار مەن زاڭسىز ونلاين-كازينو ورنالاستىرىلعان سايتتار بار.
ال جىل باسىنان بەرى بۇعاتتالعان سايتتاردىڭ سانى 3000 نان اسقان.
وسى رەتتە، ءتارتىپ ساقشىلارى ازاماتتاردى قىراعى بولۋعا، كۇماندى ينتەرنەت-سايتتار تۋرالى دەرەۋ پوليتسياعا حابارلاۋعا شاقىردى.
ەسكە سالساق، وسىعان دەيىن شىمكەنتتىك تۇرعىن ۆيرتۋالدى نومىرلەردى پايدالانىپ الاياقتىقپەن اينالىسقانى جايلى جازعانبىز.
