شىعىس قازاقستاندا برۋتسەللەز بەن قۇتىرما اۋرۋلارىنىڭ وشاقتارى تىركەلدى

اۋرۋ انىقتالعان تەرەكتىبۇلاق اۋىلىندا ماماندار 15-20 كۇن سايىن مالدان قان الىپ، زەرتتەۋلەر جۇرگىزىپ جاتىر. دەسە دە ينفەكسيانىڭ جاڭا جاعدايلارى تىركەلۋدە.

- ءىرى قارا مەن اۋرۋعا بەيىم باسقا دا مالدان قان الىنىپ، كۇرشىم اۋىلىنداعى زەرتحانادا تالداۋ جۇمىستارى جۇرگىزىلۋدە. ءالى كۇنگە دەيىن اۋرۋ انىقتالىپ جاتقاندىقتان، ساۋىقتىرۋ شارالارى جالعاسا بەرەدى، - دەيدى ش ق و ۆەتەريناريا باسقارماسىنىڭ باس مامانى انار راحمانوۆا.

وتكەن جىلى وبلىستا ءتورت تۇلىكتەن قاۋىپتى اۋرۋلاردىڭ 10 وشاعى تىركەلدى. ونىڭ ىشىندە قۇتىرۋ - 6، برۋتسەللەز - 3، ەمفيزەماتوزدى كاربۋنكۋل - 1. تارباعاتاي اۋدانىندا جەتىارال اۋىلدىق وكرۋگىنە قاراستى قامىستى اۋىلىندا قۇتىرما اۋرۋىن ەمدەۋ جۇمىستارى جالعاسۋدا.

ەسكە سالساق، بۇعان دەيىن س ق و- دا تۇماۋدىڭ ءتورت ءتۇرى تاراعانى حابارلانعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى