شىعىس قازاقستاندا 191 اۋىلدا ءالى ينتەرنەت جوق
شىعىس قازاقستان وبلىسىنداعى 191 اۋىلدا ءالى ينتەرنەت قوسىلماعان، دەپ حابارلايدى Kazinform.
وسى جىلدىڭ باسىنان بەرى شىعىس قازاقستانداعى 20 ەلدى مەكەنگە كەڭجولاقتى موبيلدى ينتەرنەت قوسىلدى. سونىڭ ىشىندە ەڭ شالعايداعى تارباعاتاي اۋدانى اسۋساي اۋىلى، كاتونقاراعاي اۋدانى اقسۋ اۋىلى بار.
«ءوڭىر بويىنشا 363 ەلدى مەكەننىڭ 172- ءسى ينتەرنەتپەن قامتىلعان، ال 191- ءى ءالى قوسىلماعان. وسكەمەندەگى №19, 20, 21- ءشى شاعىن اۋداندار ينتەرنەتپەن قامتاماسىز ەتىلدى، الداعى ۋاقىتتا 25 شاعىن اۋداندى قامتۋ جوسپارلانىپ وتىر. اتالعان شاعىن اۋدانداعى تەلەكوممۋنيكاتسيا جەلىلەرىن قوسۋ بويىنشا وپەراتورلارمەن كەلىسسوزدەر جۇرگىزىلىپ جاتىر»، - دەدى ش ق و سيفرلاندىرۋ مەن مۇراعاتتار باسقارماسىنىڭ باسشىسى سەرىكحان نۇرتازين.
سونىمەن قاتار بيىل شەمونايحا اۋدانىندا Aitas حولدينگىنىڭ «Aitas Foundation» كورپوراتيۆتىك قورىنىڭ باستاماسىمەن «اۋىلداعى ينتەرنەت» قاناتقاقتى جوباسى ىسكە قوسىلدى.
«تۇرعىنداردى ينتەرنەتكە قوسۋ ماۋسىم ايىنىڭ سوڭىندا باستالدى. قازىرگى ۋاقىتقا دەيىن شەمونايحا قالاسىندا 247 ابونەنت ينتەرنەتكە قوسىلعان. بۇدان بولەك، شەمونايحا اۋدانىنداعى ۋست- تالوۆكا، ۆىدريحا جانە ۆەرح- ۋبا اۋىلدارىندا، كاتونقاراعاي اۋدانى كاتونقاراعاي، ۇلكەن نارىن اۋىلدارىندا دا وسى باعىتتاعى جۇمىستارى جۇرگىزىلىپ جاتىر»، - دەيدى باسقارما باسشىسى.
اۆتور
تالعاتجان مۇحامەتبەك ۇلى
