شىعىس قازاقستان اۋماعىنىڭ 70 پايىزىندا ءالى دە قار جاتىر
وسكەمەن. KAZINFORM - شىعىس قازاقستان وبلىسى اۋماعىنىڭ 70 پايىزىندا ءالى دە قار جاتىر.
وڭىردەگى سۋ تاسقىنى قاۋپى بار جەرلەرگە اۋەدەن بارلاۋ جاسالدى. وعان شىعىس قازاقستان وبلىسى اكىمىنىڭ ورىنباسارى باقىتجان باياحمەتوۆ مەن ت ج د باستىعى ەرعالي باحايەۆ قاتىستى.
وسكەمەن- گلۋبوكوە- شەمونايحا- التاي قالاسى مارشرۋتىمەن باستالعان تىكۇشاقپەن جۇمىس ساپارى ريددەر- ۇلكەن نارىن- قاتونقاراعاي اۋدانى باعىتىمەن اياقتالدى. بارلاۋ بارىسىندا وزەندەردە مۇز اشىلعانى كورىنىپ، سۋدىڭ جاعالاۋدان شىعۋى بايقالمادى. مۇز كەپتەلىستەرى جوق جانە جاعالاۋ اۋماقتارىن سۋ باسپاعان.
«جوعارىدا اتالعان اۋداندار بويىنشا جاعداي تۇراقتى. كوكتەمگى كەزەڭدە توتەنشە جاعدايلاردىڭ الدىن الۋ ءۇشىن 55 مىڭ دانا ىدىس-قاپ، 6000 توننادان استام ينەرتتى ماتەريال، 406 توننا جانار-جاعارماي دايىندالدى. تەحنيكا مەن موتوپومپالار ءازىر تۇر. ەۆاكۋاتسيالىق پۋنكتتەر دايىن. جالپى وبلىس بويىنشا 368 مىڭنان استام تەكشە مەتر قار شىعارىلعان.
سونداي-اق 448 شاقىرىم ارىق پەن 447 كوپىر تازارتىلدى»، - دەپ حابارلادى ت ج د باسپا ءسوز قىزمەتىنەن.
ءالى دە وبلىس اۋماعىنداعى قار جابىنى %70 - دى قۇراپ وتىر.
اۆتور
تالعاتجان مۇحامەتبەك ۇلى
