شيان قالاسىندا تۇراقتى جۇمىس ىستەيتىن قازاقستاندىق پاۆيلون اشىلدى
شيان قالاسىندا تۇراقتى جۇمىس ىستەيتىن قازاقستاندىق پاۆيلون اشۋ تۋرالى كەلىسىمگە قول جەتكىزىلدى، دەپ حابارلايدى Kazinform.
16-20-قاراشا ارالىعىندا وتەتىن قازاقستان رەسپۋبليكاسىنىڭ باس كونسۋلدىعى «جىبەك جولى 7-شى حالىقارالىق فورۋمىنا» جانە قىتايدىڭ «شىعىس- باتىس» ىنتىماقتاستىق، ينۆەستيسيالار-ساۋدا كورمەسىنە بەلسەندى قاتىسىپ جاتىر.
وسى كورمە اياسىندا قازاقستان رەسپۋبليكاسىنىڭ باس كونسۋلدىعى شيان قالاسىنىڭ ساۋدا- ونەركاسىپ پالاتاسىنىڭ قولداۋىمەن تۇراقتى جۇمىس ىستەيتىن قازاقستاندىق پاۆيلون اشۋ تۋرالى ۋاعدالاستىققا قول جەتكىزدى.
قازاقستاندىق كورمە پاۆيلونىنىڭ اشىلۋى جانە تۇساۋكەسەر راسىمىنە شانشي پروۆينسياسى گۋبەرناتورىنىڭ ورىنباسارى مەن الماتى وبلىسىنىڭ اكىمى جانە باسقا دا كوپتەگەن جوعارى دارەجەلى قوناقتار قاتىسىپ، كورمەگە كەلۋشىلەردى قازاق حالقىنىڭ باي مادەنيەتىمەن، داستۇرلەرىمەن جانە وتاندىق ونىمدەرىمەن تانىستىردى.
سونىمەن قاتار وسى ءىس-شارا اياسىندا ق ر باس كونسۋلدىعىنىڭ باستاماسىمەن شيان قالاسىنداعى ديپلوماتيالىق ميسسيا عيماراتىندا الماتى وبلىسىنىڭ اكىمدىگىمەن بىرلەسىپ قارجى ينستيتۋتتارى مەن جەكە ينۆەستيتسيالىق كومپانيالار وكىلدەرىنىڭ قاتىسۋىمەن بيزنەس- كونفەرەنسيا ۇيىمداستىرىلدى. وتكەن B2B كەلىسسوزدەر بارىسىندا مۇددەلى تاراپتار ەكونوميكانىڭ ءتۇرلى سالالارىندا ودان ءارى تىعىز ىنتىماقتاستىققا شىنايى قىزىعۋشىلىق تانىتتى.
كەلىسسوزدەر ناتيجەلەرى بويىنشا قۇرىلىس، ت ك ش باسقارۋ، اۋىل شارۋاشىلىعى جانە مال شارۋاشىلىعىن دامىتۋ، ازىق-تۇلىك تاۋارلارىنىڭ يمپورتى مەن ەكسپورتى جانە ت. ب. سالالارداعى ودان ءارى ىنتىماقتاستىقتى دامىتۋ تۋرالى ون بەس كەلىسىم مەن مەموراندۋمدارعا قول قويىلدى.
شيان قالاسىندا ورنالاسقان ق ر باس كونسۋلدىعىنىڭ عيماراتىندا اۋقىمدى كولەمدەگى جانە جوعارى دەڭگەيدە مۇنداي ءىس-شارالاردىڭ وتكىزىلۋ يدەياسىن بارلىق تاراپ ۇلكەن قىزىعۋشىلىقپەن قابىلدادى.
اۆتور
ابىلايحان جۇماشەۆ
