شي جينپيڭ ا ق ش-پەن «ساۋدا سوعىسى» اياسىندا وداقتاستارىمەن قارىم-قاتىناستى نىعايتىپ جاتىر

حانويدا شي جينپيڭ ءبىرقاتار كەزدەسۋلەر وتكىزىپ، وندا كوپ ماسەلە قامتىلدى.

ناقتىراق ايتقاندا، ول ۆەتنام كوممۋنيستىك پارتياسى ورتالىق كوميتەتىنىڭ باس حاتشىسى تو لاممەن، ۆەتنام سوتسياليستىك رەسپۋبليكاسىنىڭ پرەزيدەنتى (ۆ س ر) لىونگ كىونگپەن، ۆ س ر پرەمەر-ءمينيسترى جانە ۇلتتىق جينالىس مۇشەسى (پارلامەنت) فام مين چينمەن جانە چان تحان مانمەن كەزدەستى.

حانويداعى كەلىسسوزدەردەن سوڭ قىتاي مەن ۆەتنام كوشباسشىلارى بايلانىس، جاساندى ينتەللەكتى، اۋىل شارۋاشىلىعى ونىمدەرى مەن ساۋدا سياقتى وزگە دە ءبىرقاتار سالالاردى قامتيتىن، تاراپتار قول قويعان ەكىجاقتى ىنتىماقتاستىق جونىندەگى 45 قۇجاتپەن تانىستى.

تاراپتار بارلىق سالانى قامتيتىن ستراتەگيالىق سەرىكتەستىكتى ودان ءارى تەرەڭدەتۋ تۋرالى بىرلەسكەن مالىمدەمە جاسادى.

ق ح ر ءتوراعاسى ۆەتنام باسشىسىمەن كەلىسسوزدەر بارىسىندا قىتاي- ۆەتنام قاتىناستارىن نىعايتۋعا باعىتتالعان ءبىرقاتار شارا ۇسىندى.

ولاردىڭ اراسىندا ستاندارتتى ارالىقتاعى تەمىرجولداردى، اۆتوماگيستارلدار مەن ينتەللەكتۋالدىق ايلاقتاردى كەشەندى بىرىكتىرۋ، جاساندى ينتەللەكت پەن ينتەرنەت زاتتار، جوعارى تەحنولوگيالار سالاسىنداعى ىنتىماقتاستىقتى نىعايتۋ شارالارى بار.

شي جينپيڭ سونىمەن قاتار تاراپتاردى ەركىن ساۋدا مەن ءوندىرىس پەن ءونىمدى وتكىزۋدىڭ جاھاندىق تىزبەگىن قورعاۋعا شاقىردى.

ۆەتنام پرەمەر-ءمينيسترى فام مين چينمەن كەزدەسۋ بارىسىندا قىتاي باسشىسى ەكى ەلدى ينفراقۇرىلىمدىق قۇرىلىس باعىتىنداعى ىنتىماقتاستىقتى ۇزدىكسىز دامىتا وتىرىپ، ءوزارا بايلانىس دەڭگەيىن ارتتىرۋعا شاقىردى.

ۆەتنام پرەزيدەنتى لىونگ كىونگپەن كەزدەسۋىندە قىتاي تاراپى ەكى ەل وكىلدەرىن دە ۋنيلاتەراليزم مەن كۇش ساياساتىنا بىرلەسىپ، قارسى تۇرۋعا شاقىردى.

- ساۋدا سوعىسى حالىقارالىق ساۋدا جۇيەسىنە، جاھاندىق ەكونوميكالىق ءتارتىپ پەن الەمنىڭ بارلىق ەلدەرىنىڭ، اسىرەسە دامۋشى ەلدەردىڭ زاڭدى مۇددەلەرىنە نۇقسان كەلتىرەدى، - دەپ كەلتىرەدى شي جينپيڭنىڭ ءسوزىن شينحۋا.

شي جينپيڭ ءوزىنىڭ ۆەتنامعا ساپارىن قىسقا بولسا دا ناتيجەلى بولدى دەپ ەسەپتەيتىنىن ايتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى