شورت-ترەكتەن قازاقستان ايەلدەر قۇراماسى الەمدىك تۋردىڭ ۇزدىك بەستىگىنە ەندى
استانا. KAZINFORM - بەيجىڭدە (قىتاي) شورت-ترەكتەن World Tour جارىسى اياقتالدى. قازاقستان ايەلدەر قۇراماسى 3-ورىن الدى.
ۇلتتىق وليمپيادالىق كوميتەتتىڭ مالىمەتىنشە، ەستافەتادا ولگا تيحونوۆا، يانا حان، ماليكا ەرمەك، الينا اجعاليەۆا قولا جۇلدەنى ەنشىلەگەن.
بۇل ناتيجە ءبىزدىڭ قۇراماعا الەمدىك تۋر رەيتينگىندەگى پوزيتسياسىن جاقسارتۋعا مۇمكىندىك بەردى. كوماندا سەگىزىنشى ورىننان بەسىنشى ورىنعا كوتەرىلدى.
قازىرگى ۋاقىتتا قازاقستان قۇراماسىنىڭ ەنشىسىندە 142 ۇپاي بار. ال كانادا 260 ۇپايمەن كوش باستاپ تۇر.
ەسكە سالا كەتەيىك، بۇعان دەيىن شورت-ترەكتەن قازاقستان قۇراماسى الەمدىك تۋردا ۇزدىك ۇشتىككە ىلىككەنىن حابارلاعان ەدىك.
