EURO-2025: قازاقستاندىق قىزدار ەستونيامەن تەڭ ءتۇستى
استانا. KAZINFORM - فۋتبولدان قازاقستان 17 جاسقا دەيىنگى قىزدار قۇراماسى 2025-جىلعى ەۋروپا چەمپيوناتى ىرىكتەۋ كەزەڭىندەگى العاشقى ويىنىندا ەستونيامەن تەڭ ءتۇستى.
كەزدەسۋ بارىسىندا ەستونيالىق گرەتە گروسس 8-مينۋتتا ەسەپ اشقان ەدى. ودان كەيىن قازاقستاندىق داناگۇل احمەتجان 21، ارۋ ەرماعامبەتوۆا 31-مينۋتتا ەكى گول سوعىپ، ءوز قۇراماسىن العا شىعاردى. ال 52-مينۋتتا ەستونيالىق ەليزاۆەتا يۋزانينوۆا سوققان گول قورىتىندى ەسەپتى بەلگىلەدى.
وسىلايشا قوس قارسىلاس 2:2 ەسەبىنە قاناعات ءبىلدىرىپ تاراستى.
ەندى قازاقستاندىق فۋتبولشىلار الداعى ويىنىن 20-ناۋرىزدا سولتۇستىك يرلاندياعا قارسى وتكىزسە، ودان كەيىىن 23-ناۋرىزدا چەرنوگوريامەن وينايدى.
ەسكە سالساق، باقتيەر زاينۋتدينوۆ فۋتبولدان قازاقستان ۇلتتىق قۇراماسىنىڭ الداعى ەكى ويىنىنا قاتىسپايدى.
