شەتەلدىك كوزدەردەن اقشا الىپ وتىرعان قازاقستاندىقتاردىڭ ءتىزىمى جاريالانادى

ەلىمىزدە 2018 -جىلى سالىق كودەكسىنە شەت مەملەكەتتەردەن، شەتەلدىكتەردەن، حالىقارالىق جانە شەتەلدىك ۇيىمداردان اقشا نەمەسە وزگە دە مۇلىك العان تۇلعالاردىڭ مەملەكەتتىك كىرىستەر ورگاندارىنا ەسەپ بەرۋى تۋرالى تالاپ ەنگىزىلدى.

اتالعان ەسەپتى زاڭ كومەگىن كورسەتۋگە، قوعامدىق پىكىر، سوتسيولوگيالىق ساۋالنامالاردى زەردەلەۋگە جانە جۇرگىزەتىن تۇلعالار ۇسىنادى.

- 2022 -جىلى سالىق كودەكسىنىڭ 29-بابىنا وزگەرىس ەنگىزىلدى، وعان سايكەس مەملەكەتتىك كىرىستەر كوميتەتى رەسمي ينتەرنەت- رەسۋرسىندا شەتەلدىك كوزدەردەن اقشا نەمەسە وزگە دە مۇلىك العان تۇلعالاردىڭ ءتىزىمىن جاريالايدى، - دەيدى كوميتەتتەن.

ول مالىمەتتەر جارتى جىل سايىن www.kgd.gov.kz. ينتەرنەت-رەسۋرسىندا ورنالاستىرىلادى. بۇل قادام ازاماتتاردىڭ مەملەكەت پەن ۇكىمەتتىك ەمەس ۇيىمدارعا دەگەن سەنىم دەڭگەيىن ارتتىرۋعا باعىتتالعان.

سونىمەن، 2023 -جىلعى 1 -جارتىجىلدىقتا شەتەلدىك كوزدەردەن اقشا جانە مۇلىك الۋ تۋرالى مالىمەتتى 239 ادام ۇسىندى (19.09.2023 -جىلى جاريالاندى) .

2023 -جىلدىڭ 2 -جارتىجىلدىعىندا 192 ادام بويىنشا مالىمەتتەر جاريالاندى (20.03.2024) . 
2024 -جىلدىڭ 1-جارتىجىلدىعىندا 192 ادام بويىنشا مالىمەتتەر جاريالاندى (19.09.2024) .
2024 -جىلدىڭ 2 -جارتىجىلدىعىنداعى ءتىزىم 2025 -جىلدىڭ 20-ناۋرىزىنا دەيىن جاريالانادى.

ايتا كەتەيىك، شەتەلدىك كوزدەردەن اقشا الىپ وتىرعان قازاقستاندىقتار مەن ۇيىمداردى انىقتاۋ تاجىريبەسى بۇرىننان بار.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى