شەتەلدىك ب ا ق-تاعى قازاقستان: يۋنەسكو باسقارۋشى ورگانىنا مۇشەلىك، بۇيىرماعان ەۋرو-2024 جولداماسى
وسى اپتادا شەتەلدىك ب ا ق- تا قازاقستان يۋنەسكو-نىڭ دۇنيەجۇزىلىك مۇرالار كوميتەتىنىڭ مۇشەسى بولىپ سايلانعانى، ماجارستانمەن ساۋدا كولەمى، يراننان قازاقستانعا شيكىزاتتىق ەمەس ەكسپورتتىڭ ءوسۋى، ەلىمىزدەن شەتەلگە قانشا توننا ەت ساتىلعانى تۋرالى ماقالالار لەگى جاريالاندى. تولىعىراق Kazinform ساراپشىسىنىڭ شولۋىندا.
Bnn.network: قازاقستان يۋنەسكو- نىڭ دۇنيەجۇزىلىك مۇرالار كوميتەتىنە مۇشە بولىپ سايلاندى
Bnn network اگەنتتىگى 23-قاراشادا قازاقستان 2023-2027-جىلدارعا دۇنيەجۇزىلىك مۇرالار كوميتەتىنىڭ مۇشەسى بولىپ سايلانعانى تۋرالى حابارلادى. قازاقستان دۇنيەجۇزىلىك مادەني مۇرانى قورعاۋ جونىندەگى كونۆەنتسياعا مۇشە مەملەكەتتەرى باس اسسامبلەياسىنىڭ 24-سەسسياسىندا داۋىس بەرۋ ناتيجەسىندە 2023-2027-جىلدارعا يۋنەسكو- نىڭ دۇنيەجۇزىلىك مۇرالار كوميتەتىنىڭ مۇشەسى بولىپ سايلاندى. قازاقستان اتالعان بەدەلدى ورگاندا 2013-2017-جىلدارى دا جۇمىس اتقارعان جانە الداعى قىزمەتىنە لايىقتى ۇلەس قوسۋعا دايىن.
ەل كانديداتۋراسىنا 118 مەملەكەت قولداۋ بىلدىرگەن. قازاقستانمەن قاتار كوميتەت قۇرامىنا تاعى سەگىز جاڭا مۇشە سايلانعان. ولار ۆەتنام، كەنيا، كورەيا رەسپۋبليكاسى، ليۆان، سەنەگال، تۇركيا، ۋكراينا جانە يامايكا.
Anadolu: قازاقستان پرەزيدەنتى توقايەۆ گازا توڭىرەگىندەگى وقيعالار الەمدىك قاۋىمداستىقتى كەم دەگەندە ەكى لاگەرگە بولگەنىن ايتتى
Anadolu اگەنتتىگى مينسكىدە وتكەن ۇجىمدىق قاۋىپسىزدىك شارتى ۇيىمى (ۇ ق ش ۇ) كەڭەسىنىڭ وتىرىسىندا قازاقستان پرەزيدەنتى قاسىم- جومارت توقايەۆ تاياۋ شىعىستاعى قاقتىعىس اۋقىمى جاعىنان جاھاندىق اقپاراتتىق جانە يدەولوگيالىق تەكەتىرەس تۋدىرعانى تۋرالى مالىمدەگەنىن حابارلادى.
«گازا سەكتورى توڭىرەگىندە بولىپ جاتقان وقيعالار الەمدىك قوعامداستىقتى ەكىگە جاردى. سوعىس ءورتى بارلىق ەل مەن كونتينەنتتى شارپىماي تۇرعاندا توقتاعانى ءجون»،-دەدى قازاقستان پرەزيدەنتى قاسىم-جومارت توقايەۆ.
سەسسيا بارىسىندا ۇ ق ش ۇ-عا مۇشە مەملەكەتتەردىڭ ۇجىمدىق قاۋىپسىزدىگىن قامتاماسىز ەتۋدىڭ وزەكتى اسپەكتىلەرى تالقىلانعان. سونىمەن قاتار ۇيىم قىزمەتىنىڭ باستى باعىتتارى بويىنشا بيىل اتقارىلعان جۇمىستاردىڭ قورىتىندىسى جاسالىپ، الداعى كەزەڭنىڭ جوسپارى ايقىندالدى. بۇدان بولەك، مەملەكەتتەر باسشىلارى جاھاندىق كۇن تارتىبىندەگى ماسەلەلەر جونىندە پىكىر الماستى.
Trend.az: قازاقستان شەتەلگە 118,3 ميلليون دوللارعا ەت ساتتى
Trend باسىلىمى 24-قاراشادا بيىلعى توعىز ايدا (قاڭتار- قىركۇيەك) شەتەلگە قانشا توننا ەت ساتقانى تۋرالى مالىمدەدى.
«بيىلعى توعىز ايدا (قاڭتار- قىركۇيەك) قازاقستاننان 121,7 ميلليون دوللارعا 42,4 مىڭ توننا ەت جانە ەت ونىمدەرى ەكسپورتتالعان، بۇل 2022-جىلدىڭ سايكەس كەزەڭىمەن سالىستىرعاندا %31,5 عا ارتىق (32,2 مىڭ توننا) »، - دەپ حابارلايدى Trend
ناقتىراق ايتقاندا، جىل باسىنان بەرى 118,3 ميلليون دوللارعا 40,3 مىڭ توننا ەت ەكسپورتتالسا، وتكەن جىلى بۇل كورسەتكىش وسى كەزەڭدە 104 ميلليون دوللارعا 30,4 مىڭ توننا ەت بولعان ەدى. ءوسىم %32,5.
بۇل ەكسپورتتىڭ ەڭ كوپ كولەمى مۇزداتىلعان سيىر ەتىنە قاتىستى - 4,4 ەسە وسكەن (171 توننا - 2023 ج. , 38,3 توننا - 2022 ج.) . بۇل رەتتە سالقىنداتىلعان ءىرى قارا ەتىنىڭ ەكسپورتى وتكەن جىلدىڭ قاڭتار- قىركۇيەك ايلارىمەن سالىستىرعاندا %12,6 عا تومەندەدى (2023 -جىلى 11,8 مىڭ توننا، 2022-جىلى 13,5 مىڭ توننا).
Hungarytoday: قازاقستان- ماجارستان جىلدىق ساۋدا كولەمى 1 ميلليارد دوللارعا جەتۋى مۇمكىن
Hungarytoday اگەنتتىگى ۆەنگرياداعى قازاقستان- ماجارستان ستراتەگيالىق كەڭەسىنىڭ 6- وتىرىسىندا ماجارستان مەن قازاقستان ەكىجاقتى تاۋار اينالىمىن مۇمكىندىگىنشە تەزىرەك جىلىنا ءبىر ميلليارد دوللارعا جەتكىزۋ مىندەتىن قويعانى تۋرالى حابارلادى.
«بىزدە بۇعان قول جەتكىزۋگە تولىق مۇمكىندىك بار»، - دەدى ماجارستان قارجى ءمينيسترى ميحالي ۆارگا.
قازاقستان تاراپىنىڭ ستاتيستيكاسى بويىنشا ەكى ەل اراسىنداعى تاۋار اينالىمى 2022 -جىلى 172 ميلليون ا ق ش دوللارىن قۇرادى، ال وسى جىلدىڭ 9ايىندا وتكەن جىلدىڭ سايكەس كەزەڭىمەن سالىستىرعاندا %22 عا ۇلعايعان.
تاراپتار ساياسي، ساۋدا- ەكونوميكالىق، ينۆەستيتسيالىق جانە مادەني- گۋمانيتارلىق سالالارداعى ەكىجاقتى قاتىناستاردىڭ وزەكتى ماسەلەلەرىن تالقىلادى. دەلەگاتسيا باسشىلارى ساۋدا- ەكونوميكالىق سالاداعى قازاق- ماجار ىنتىماقتاستىعى ەكى ەل اراسىنداعى ستراتەگيالىق ارىپتەستىكتىڭ باستى قوزعاۋشى كۇشى ەكەنىن اتاپ ءوتتى.
Reuters: سلوۆەنيا قازاقستاندى جەڭىپ، ەۋرو-2024 تۋرنيرىنە جولداما الدى
Reuters اگەنتتىگى فۋتبولدان 2024-جىلعى ەۋروپا چەمپيوناتىنا ىرىكتەۋ تۋرنيرىندە قازاقستان قۇراماسى سلوۆەنيا كومانداسىنا ەسە جىبەرگەنىن حابارلادى. ەندى قازاقستان قۇراماسىنىڭ ۇلتتار ليگاسى ارقىلى ەۋروپا چەمپيوناتىنا شىعۋىنا مۇمكىندىگى بار. كەلەسى ويىن 2024-جىلدىڭ ناۋرىز ايىندا گرەكيامەن بولادى.
Economictimes: قازاقستان ءۇندىستاندى Astana Hub تەحنوپاركىنە ينۆەستيتسيا سالۋعا شاقىرادى
Economictimes اگەنتتىگى قازاقستان ءۇندىستاندى Astana Hub تەحنوپاركىنە ينۆەستيتسيا سالۋعا شاقىردى دەپ حابارلادى.
قازاقستان رەسپۋبليكاسى پرەمەر- ءمينيسترىنىڭ ورىنباسارى - سىرتقى ىستەر ءمينيسترى مۇرات نۇرتىلەۋ ءۇندىستاندى بيىلعى G20-عا ءتوراعالىعىنىڭ تابىستى اياقتالۋىمەن قۇتتىقتادى. استانا مەن نيۋ- دەلي اراسىنداعى ستراتەگيالىق سەرىكتەستىككە توقتالا وتىرىپ، ول قازاقستان مەن جاھاندىق وڭتۇستىك اراسىنداعى ىنتىماقتاستىقتىڭ ماڭىزدىلىعىن اتاپ ءوتىپ، كولىك بايلانىسىن ارتتىرۋ جانە كولىك باعىتتارىن ءارتاراپتاندىرۋ قاجەتتىگىن اتاپ ءوتتى.
Tehrantimes: يراننىڭ قازاقستانعا شيكىزاتتىق ەمەس ەكسپورتى 7-ايدا %12 عا ءوستى
Tehrantimes اگەنتتىگى يراننىڭ قازاقستانعا شيكىزاتتىق ەمەس ەكسپورتى بيىلعى العاشقى جەتى ايدا (21-ناۋرىز بەن 22-قازان) وتكەن جىلدىڭ سايكەس كەزەڭىمەن سالىستىرعاندا %12 عا ارتقانى تۋرالى مالىمدەدى.
يراننىڭ ونەركاسىپ، كەن ورىندارى جانە ساۋدا ءۇيىنىڭ ساۋدانى دامىتۋ كوميسسياسىنىڭ وكىلى رۋحوللا لاتيفي بيىلعى جەتى ايدا يران قازاقستانعا 104,412 ميلليون دوللارعا مۇناي ەمەس تاۋارلارىن ەكسپورتتاعانىن ايتتى.
ول سونداي- اق يران بيىلعى العاشقى جەتى ايدا قازاقستاننان 42,882 ميلليون دوللارعا تاۋار يمپورتتاعانىن، بۇل وتكەن جىلدىڭ وسى كەزەڭىمەن سالىستىرعاندا %51 عا تومەندەگەنىن حابارلادى. يران مەن قازاقستاننىڭ جىلدىق ساۋدا اينالىمى دا وتكەن جىلى %20 عا ءوستى.
اۆتور
ۆەنەرا جولامان قىزى
