شەتەلدىك ب ا ق- تاعى قازاقستان: كيىك اۋلاۋعا رۇقسات، ورباننىڭ وردەنى، ماكروننىڭ ستراتەگيالىق ساپارى

ءبىر باسىلىم ماكروننىڭ كەلۋىن «ستراتەگيالىق ساپار» دەسە، ەكىنشىسى «نەلىكتەن ورتالىق ازياعا قىزىعىپ وتىر» دەگەن تاقىرىپپەن ۇسىندى. ال، ماكروننىڭ ءوزى ساپارىن قورىتىندىلاپ، تۆيتتەردە «قازاقستاندى سەنىمدى سەرىكتەس» دەپ اتادى. ايتپاقشى، ماكرون ءتۆيتتى قازاقشا جازدى. سونداي- اق، ب ا ق قازاقستان پرەزيدەنتى قاسىم- جومارت توقايەۆتىڭ ماجارستان پرەمەرى ۆيكتور وربانعا I دارەجەلى «دوستىق» وردەنىن تابىستاعانىن جازدى. بۇدان بولەك جاپونيالىق باسىلىم ەلىمىزدەگى اقبوكەندى اۋلاۋعا رۇقسات بەرىلگەنىن ءبولىستى. kazinform ساراپشىسى حالىقارالىق باسىلىمداردىڭ ەلىمىزگە قاتىستى جازعان ماتەريالدارىنا شولۋدى ۇسىنادى.

بۇل اپتادا مەملەكەت باسشىسى قاسىم- جومارت توقايەۆتىڭ جۇمىسى قاۋىرت بولدى. استاناعا رەسمي ساپارمەن فرانسيا پرەزيدەنتى كەلدى، ودان كەيىن تۇركى مەملەكەتتەرى ۇيىمىنىڭ 10-ءسامميتى ءوتتى. ەل پرەزيدەنتى بىرنەشە ەلدىڭ باسشىلارىمەن كەزدەسىپ، ماڭىزدى شارالارعا قاتىستى. مۇنداي كەزدەسۋلەر شەتەلدىك ب ا ق- تىڭ نازارىنا ىلىكتى.

BBC: نەلىكتەن فرانسيا پرەزيدەنتى ورتالىق ازياعا قىزىعىپ وتىر؟

BBC «نەلىكتەن فرانسيا پرەزيدەنتى ەممانيۋەل ماكرون ورتالىق ازياعا قىزىعىپ وتىر» دەگەن تاقىرىپپەن ماكروننىڭ ساپارى تۋرالى جازدى. باسىلىم «بۇل ساپار يادرولىق جانە قازبا وتىندارىن ەۋروپاعا جەتكىزۋ ءۇشىن ايماقتىڭ (قازاقستاننىڭ) ماڭىزىن بىلدىرەدى. ساپار ءىشىنارا بيزنەستى جانداندىرۋ، قازاقستان جانە وزبەكستانمەن بايلانىستى نىعايتۋدى كوزدەدى» دەپ كەلتىردى.

بۇدان بولەك BBC نيگەردەگى اسكەري توڭكەرىس فرانسيانىڭ اتوم ونەركاسىبىنە قاۋىپ ءتوندىرۋ مۇمكىندىگىن ارتتىرعاننان كەيىن ماكرون قازاقستانعا «ۋران ءۇشىن كەلدى» دەپ كورسەتكەن.

شىندىعىندا، بۇنداي ۇرەيدىڭ اۋقىمى جونىندە اسىرا ايتىلعان. وتكەن جىلى فرانسياعا ۋران جەتكىزۋشى ەلدەر اراسىندا نيگەر ەكىنشى ورىندا بولدى. ءبىرىنشى - قازاقستان. پرەزيدەنت ماكرون سارسەنبىنى الەمدەگى ەڭ ءىرى ۋران ءوندىرۋشى ەل

The Guardian: ەممانيۋەل ماكرون فرانسيانىڭ قازاقستانمەن ىنتىماقتاستىعىن جانداندىرۋعا ۋادە بەردى

ال، The Guardian «فرانسيا نەگىزىنەن Totalەnergies ەنەرگەتيكالىق كومپانيالارى ارقىلى قاشاعان تەڭىز كەن ورنىن يگەرۋدىڭ اۋقىمدى جوباسىنا قاتىسادى. سونىڭ ارقاسىندا فرانسيا قىتايدان وزىپ، قازاقستانداعى بەسىنشى ءىرى شەتەلدىك ينۆەستور» ەكەنىن اتادى.

مۇنايعا باي قازاقستان ەۋروپا ەلدەرىنە شيكى مۇناي جەتكىزۋدە رەسەيدىڭ ورنىن الماستىردى جانە قىتاي- ەۋروپا ساۋدا مارشرۋتىندا ماڭىزدى رول اتقارىپ وتىر. قازاقستان - ۋراننىڭ ءىرى ەكسپورتتاۋشىسى، ال فرانتسيالىق Orano قازىردىڭ وزىندە «قازاتومونەركاسىپ» مەملەكەتتىك اتوم كومپانياسىمەن بىرلەسكەن كاسىپورىندى باسقارادى،- دەپ جازدى باسىلىم.

بۇدان بولەك ماكرون مەن توقايەۆ پايدالى قازبالار مەن ەنەرگەتيكادان باستاپ فارماتسيەۆتيكا جانە اەروعارىش سالالارىنا دەيىنگى ءارتۇرلى سالادا ءبىرقاتار كەلىسىمشارتقا قول قويعانىن اتاپ وتكەن.

سونداي- اق، باسىلىم ماكروننىڭ ساپارىنداعى ماڭىزدى ماقساتتاردىڭ ءبىرى - ەلىمىزدەگى اتوم ەلەكتر ستانتسياسىنىڭ قۇرىلىسىنا قاتىسۋ دەپ كەلتىردى.

فرانسيالىق EDF ەنەرگەتيكالىق كومپانياسى - قازاقستانداعى العاشقى اتوم ەلەكتر ستانتسياسىنىڭ قۇرىلىسىن جۇرگىزۋگە ۇمىتكەر. بۇل جوبا بويىنشا شەشىم بيىلعى رەفەرەندۋمدا قابىلدانۋى ءتيىس. ايماقتا جەتكىلىكتى تازا ەنەرگەتيكالىق تەحنولوگيالار ءۇشىن ماڭىزدى سانالاتىن مينەرالدار كەلىسسوزدەردىڭ ماڭىزدى بولىگى بولدى، - دەپ جازدى The Guardian.

اljazeera: ماكرون ورتالىق ازيا بويىنشا ستراتەگيالىق تۋرمەن قازاقستانعا باردى

باسىلىم فرانسيا باسشىسىنىڭ قازاقستانعا ساپارىن «ورتالىق ازيا بويىنشا ستراتەگيالىق تۋر» دەپ جازعان. سونىمەن قاتار، ماكروننىڭ توقايەۆپەن كەزدەسۋىندە ەكونوميكا سەكتورلارىن، سونىڭ ىشىندە ەكولوگيالىق تازا ەنەرگەتيكالىق تەحنولوگيالار، فارماتسيەۆتيكا جانە اەروعارىش ونەركاسىبى ءۇشىن ماڭىزدى پايدالى قازبالاردى قامتيتىن ءبىرقاتار كەلىسىمگە قول قويىلعانىن اتاپ وتكەن.

سونداي- اق، باسىلىم فرانسيا باسشىسىنىڭ باسپا ءسوز كونفەرەنتسياسىندا ەكىجاقتى ارىپتەستىك پەرسپەكتيۆاسىنا قاتىستى پىكىرىن كەلتىرگەن.

ءبىزدىڭ ارىپتەستىگىمىز جاقسى ستراتەگيالىق باعىتتا دامىپ كەلەدى، سونداي- اق ونى تولىقتىرۋ جانە جەدەلدەتۋ قاجەتتىگىن كورسەتىپ وتىر، - دەدى ماكرون قازاقستان استاناسىندا وتكەن باسپا ءسوز ءماسليحاتىندا.

سودان كەيىن «قاسىم- جومارت توقايەۆ فرانسيانى ەۋروپالىق وداقتاعى نەگىزگى جانە سەنىمدى سەرىكتەس دەپ اتادى جانە ارىپتەستىككە قوسىمشا سەرپىن بەرۋ قاجەت ەكەنىن مالىمدەدى» دەگەن.

Dailynewshungary: پرەمەر- مينيستر وربان قازاقستاننىڭ جوعارى مەملەكەتتىك ناگراداسىن الدى

سونىمەن قاتار، شەتەلدەگى ب ا ق وسى اپتادا قازاقستان پرەزيدەنتى قاسىم- جومارت توقايەۆتىڭ ماجارستان پرەمەر- ءمينيسترى ۆيكتور وربانعا I دارەجەلى «دوستىق» وردەنىن تابىستاعانىن دا جازدى. ايتا كەتەيىك، بۇعان دەيىن ۆيكتور ورباننىڭ ەلىمىزگە نە ءۇشىن كەلگەنىن جازعانبىز.

پرەمەر- مينيستر ۆيكتور وربان قازاقستان رەسپۋبليكاسىنا دوستىق ساپارمەن باردى. وسىعان وراي وعان قازاقستان پرەزيدەنتى قاسىم- جومارت توقايەۆ «دوستىق» وردەنىن تابىس ەتتى. باسپاءسوز ءماسليحاتىندا ءسوز سويلەگەن وربان توقايەۆقا قازاقستان- ماجارستان دوستىعى رۋحىندا بەرىلگەن مەملەكەتتىك ناگرادا ءۇشىن العىس ءبىلدىرىپ، مۇنى ابىروي سانايتىنىن جانە ء«بىز ەكى ەل اراسىنداعى تۇراقتى ىنتىماقتاستىققا جاردەمدەسۋ جونىندەگى جۇمىستى جالعاستىرامىز» دەدى، - دەپ جازدى ماجارستاندىق باسىلىم.

The Japannews: قازاقستان كيىك اۋلاۋعا رۇقسات بەردى

بۇدان بولەك جاپونيالىق ب ا ق «ەل ۇكىمەتى قازىرگى ۋاقىتتا ەكى ميلليونعا جۋىق اقبوكەن بار دەپ مالىمدەدى. ءبىر كەزدەرى كيىكتەرگە جويىلىپ كەتۋ قاۋپى تونگەن، ءبىراق ءالى كۇنگە دەيىن حالىقارالىق تابيعاتتى قورعاۋ وداعىنىڭ قىزىل تىزىمىندە» دەپ جازدى.

باسىلىم ق ر ەكولوگيا ءمينيسترى ەرلان نىسانبايەۆتىڭ باسپا ءسوز ءماسليحاتىندا ايتقان «اقبوكەندەر شارۋاشىلىقتارعا 12 ميلليارد تەڭگە زيان كەلتىردى» دەگەن سوزىنە سىلتەمە جاسايدى.

ەكى ءادىس بار - ولاردى كۇندىز تورمەن ۇستاپ، تۇندە اتۋ. مەن جاۋاپتان قاشپايمىن. بىزگە ەكىنشى نۇسقانى دا قولدانۋعا تۋرا كەلەدى، - دەپ جازدى باسىلىم ءمينيستردىڭ ءسوزىن.

اۆتور

راحيلا تلەۋوۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى