قازاقستاندا eSIM ەنگىزىلەدى
بۇل تۋرالى بۇگىن ۇكىمەت ۇيىندەگى باسپا ءسوز ءماسليحاتىندا «قازاقتەلەكوم» ا ق باسقارماسىنىڭ ءتوراعاسى قۋانىشبەك ەسەكەيەۆ ايتتى، دەپ حابارلايدى قازاقپارات ءتىلشىسى.
« eSIM بويىنشا جاڭا تۇجىرىمداما بار. ول چيپ تۇرىندەگى كلاسسيكالىق سيم- كارتانىڭ باعدارلامالىق دەڭگەيدە جاسالاتىندىعىن بىلدىرەدى. قازىرگى ۋاقىتتا ۇيالى بايلانىس وپەراتورلارى eSIM تۇجىرىمداماسىن ازىرلەپ جاتىر» ، - دەدى ول.
وسى رەتتە قازاقتەلەكوم باسشىسى تاياۋ ارالىقتا بۇل باعىتتاعى العاشقى شەشىمدەردىڭ جاريا ەتىلەتىندىگىن ايتتى.
«سول كەزدە ۇيالى تەلەفونعا سيم- كارتانى چيپ سالماستان باعدارلاما تۇرىندە جاساۋعا بولادى. بۇل نۇسقا ءقازىر تالقىلانىپ جاتىر. مەنىڭشە، 5G قوسىلعاننان كەيىن تەحنولوگيالاردىڭ باسىم بولىگى eSIM نەگىزىندە ەنگىزىلەدى» ، - دەدى ق. ەسەكەيەۆ.
ايتا كەتەيىك، بۇگىنگى ۇكىمەت وتىرىسىندا قۋانىشبەك ەسەكەيەۆ 5G تەحنولوگياسىن تەستىلەۋ ناتيجەسىن جاريا ەتىپ، ونىڭ بارىسىندا تۋىنداعان ءبىرقاتار پروبلەمانى اتاعان ەدى.
