شەرزات ىسىنە بايلانىستى سوت قاشان باستالاتىنى بەلگىلى بولدى

رەسمي مالىمەتكە سايكەس، ءىس بويىنشا الدىن الا تىڭداۋ 10-ءساۋىر ساعات 12:00 دە جەتىسۋ وبلىسى، تالدىقورعان قالاسى، قابليسا جىراۋ كوشەسى، 65-مەكەنجايىندا ورنالاسقان جەتىسۋ وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ عيماراتىندا وتەدى.

- اشىق سوت وتىرىسىنىڭ ءوتۋى تاعايىندالدى، - دەپ حابارلادى وبلىستىق سوت.

ەسكە سالايىق، بىلتىر 4-قازان كۇنى توبەلەستەن 16 جاستاعى جاس ءوسپىرىم قايتىس بولعانىن جازعانبىز.

كەيىن اشۋلى تالعارلىقتار ءجاسوسپىرىم ولىمىنە بايلانىستى نارازىلىققا شىقتى.

2024-جىلدىڭ 12-قازانىندا قارا جامىلعان وتباسىنىڭ ءۇيى ورتەنىپ كەتتى. الماتى وبلىسىنىڭ پوليتسيا دەپارتامەنتى بوتەننىڭ مۇلكىن قاساقانا جويۋ فاكتىسى بويىنشا ءىس قوزعادى.

15-قازان كۇنى تالعار قالاسىنىڭ اكىمى باحىت كۇرىشبەكوۆ، تالعار قالاسى اكىمىنىڭ ورىنباسارى ماتان ساعىندىق ءوز مىندەتىن ءتيىستى دەڭگەيدە اتقارماعانى ءۇشىن لاۋازىمىنان بوساتىلدى. ارتىنشا، تالعار اۋدانى اكىمى اپپاراتىنىڭ باسشىسى اسلان قاسىمبايەۆ قىزمەتىنەن قۋىلدى.

2024-جىلدىڭ جەلتوقسان ايىندا تالعار ماڭىندا شەرزات پولاتتىڭ اعاسى ءولى تابىلدى.

كەيىن ازات اۋىلىندا جەرلەۋ ءراسىمىن وتكىزۋ كەزىندە قوعامدىق ءتارتىپتى بۇزعانى ءۇشىن شەرزات پولاتتىڭ اكەسى قارجاۋباي ۇستالعانىن جازعانبىز.

بيىل اقپان ايىندا شەرزات ىسىنە قاتىستى قىلمىستى تەرگەۋ اياقتالعانى حابارلاندى. قىلمىستىق ءىس 62 تومنان تۇرادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى