شەرزات پولاتتىڭ اكەسى قارجاۋباي نۇرىموۆ 15 تاۋلىككە قامالدى
قونايەۆ. KAZINFORM - ەڭبەكشىقازاق اۋداندىق سوتىنىڭ شەشىمىمەن مارقۇم شەرزات پولاتتىڭ اكەسى قارجاۋباي نۇرىموۆ 15 تاۋلىككە قامالدى.
- قوعامدىق ورىندا بالاعات سوزدەر ايتقانى، قۇقىق قورعاۋ ورگاندارىنىڭ قىزمەتكەرلەرىن قورلاپ، سونداي- اق قوعامدىق ءتارتىپ پەن ازاماتتاردىڭ تىنىشتىعىن بۇزاتىن، اينالاسىنداعىلارعا قۇرمەتسىزدىك تانىتاتىن ءىس- ارەكەتتەر جاساعانى جانە كولىك قۇرالدارىنىڭ قوزعالىسى ءۇشىن كەدەرگىلەر جاساعانى ءۇشىن (ءا ق ب ت ق 434 - بابىنىڭ 1 - ءبولىمى) ازامات قارجاۋباي نۇرىموۆ 15 تاۋلىككە اكىمشىلىك قاماۋعا الىندى، - دەپ حابارلادى وبلىستىق سوتتان.
سونداي- اق س. نۇرىموۆا ۇساق بۇزاقىلىق جاساعانى ءۇشىن 20 ا ە ك مولشەرىندە ايىپپۇل سالۋمەن اكىمشىلىك جاۋاپكەرشىلىككە تارتىلدى. ق ر بەيبىت جينالىستاردى ۇيىمداستىرۋ جانە وتكىزۋ ءتارتىبى تۋرالى زاڭناماسىن بۇزعانى ازاماتتىعى جوق ب. رەيموۆا اكىمشىلىك تارتىپپەن 15 تاۋلىككە قاماۋعا الىنىپ، كەيىننەن قازاقستان اۋماعىنان شىعارىپ جىبەرىلدى.
ەسكە سالايىق، بۇعان دەيىن ازات اۋىلىندا جەرلەۋ ءراسىمىن وتكىزۋ كەزىندە قوعامدىق ءتارتىپتى بۇزعانى ءۇشىن شەرزات پولاتتىڭ اكەسى ۇستالعانىن جازعانبىز.
